អាល់បានី ៖ គណបក្សប្រឆាំងធំជាងគេនៃប្រទេសអាល់បានី បានសន្យាថា ធ្វើពហិការគ្រប់ពេលសមាជិកប្រជុំទាំងអស់ ដើម្បីហ៊ុំព័ន្ធសភា មិនឱ្យបំពេញតួនាទីរបស់ខ្លួន ហើយឈានដល់ការរំលាយរដ្ឋសភាធ្វើការបោះឆ្នោតជាថ្មីឡើងវិញ។
មេបក្សប្រឆាំងលោក Lulzim Basha ជាប្រធានគណបក្សប្រជាធិបតេយ្យស្ដាំនិយម បាននិយាយថា សមាជិកសភារបស់ខ្លួននឹងដើរចូលសភាវិញ លុះត្រាតែ សភាបោះឆ្នោតជ្រើសរើសនាយករដ្ឋមន្ដ្រីនាយករដ្ឋមន្ត្រីចាំផ្ទះជំនួសនាយករដ្ឋមន្ត្រីបច្ចុប្បន្ន។
ស្របពេលជាមួយគ្នានេះ មានអ្នកតវ៉ាជាច្រើនពាន់នាក់គាំទ្រគណបក្សប្រឆាំងបានបោះតង់ដេកនៅខាងមុខ វិមានរដ្ឋាភិបាលនៅទីក្រុង Tirana របស់ប្រទេសនេះ ។
ឈានដល់ការបិទទ្វាររដ្ឋសភាដែលធ្វើឡើងដោយគណបក្សប្រឆាំងនេះ បន្ទាប់ពីមេដឹកនាំបក្សប្រឆាំងរូបនេះ ចោទបក្សកាន់អំណាចបច្ចុប្បន្នថា អសមត្ថភាពក្នុងការលុបបំបាត់អំពើពុករលួយ ភាពក្រីក្រ និងការកែទម្រង់ប្រព័ន្ធតុលាការ ៕ ប្រភពៈAFP
