ហ្វីលីពីន៖ ស្ដ្រីសមាជិកព្រឹទ្ធសភាម្នាក់នៃប្រទេសហ្វីលីពីនដែលរិះគន់ខ្លាំងក្លាទៅលើប្រធានាធិបតី Rodrigo Duterte អំពីសង្គ្រាមប្រឆាំងគ្រឿង ញៀនត្រូវបានចាប់ខ្លួនហើយនៅព្រឹកថ្ងៃសុក្រនេះ ដោយភ្នាក់ងារបង្ក្រាបគ្រឿងញៀន។ នេះបើតាមសេចក្ដីរាយការណ៍របស់ផ្សាយព័ត៌មាន Channel News Asia ។
តាមសេចក្ដីរាយការណ៍របស់បណ្ដាញផ្សាយព័ត៌មាន Channel News Asia ដដែល លោកស្រី Leila de Lim ត្រូវបានចោទប្រកាន់ពីបទទទួលប្រាក់សំណូកពីអ្នករត់ពន្ធគ្រឿងញៀន ។
តាមប្រភពដដែល មិនត្រឹមតែលោកស្រីម្នាក់ទេដែលត្រូវបានចាប់ខ្លួន ក្នុងនោះមានបើកបរឡានអង្គរក្ស និងអតីតមន្ដ្រីគុកដែលជាមិត្តជិតស្និទជាមួយលោកស្រី ។
ទោះយ៉ាងនេះក្ដី លោកស្រីបានប្រាប់អ្នកសារព័ត៌មានថា ការចោទប្រកាន់មកលើលោកស្រី គឺជារឿងប្រឌិត ហើយលោកស្រីសង្ឃឹមថា នឹងទទួលបានយុត្ដិធម៌។
សមាជិកព្រឹទ្ធសភារូបនេះ ធ្លាប់រិះគន់ប្រធានាធិបតី Rodrigo Duterte យ៉ាងខ្លាំងក្លាករណីសម្លាប់មនុស្សយ៉ាងរង្គាល ដោយសារសង្គ្រាមប្រឆាំងគ្រឿងញៀន៕ CNA
