ភ្នំពេញ ៖ ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ សម្តេច ស ខេង មានប្រសាសន៍ថា ដើម្បីឱ្យការរៀបចំការបោះឆ្នោតនាពេលខាងមុខប្រកប ដោយភាពត្រឹមត្រូវ សេរីត្រឹមត្រូវ យុត្តិធម៌នោះ ត្រូវនាំគ្នាគោរពច្បាប់ទាំងអស់គ្នា។ ការថ្លែងដូចនេះធ្វើទ្បើងនៅក្នុងពិធីបើកសន្និបាតត្រួតពិនិត្យលទ្ធផលការងារឆ្នាំ២០១៦ និងទិសដៅការងារឆ្នាំ ២០១៧ របស់ក្រសួងមហាផ្ទៃ ព្រឹកថ្ងៃទី ២២ ខែកុម្ភៈ ឆ្នាំ២០១៧។
សម្តេច សខេង ៖«ដោយនឹងបន្តពង្រឹងពង្រីកលទ្ធិប្រជាធិបតេយ្យសេរីពហុបក្ស នឹងកំណែទម្រង់វិមជ្ឈការ និងវសហមជ្ឈការឱ្យមានការរីកចំរើនជាបន្តទៀតអាស្រ័យហេតុនេះយើងត្រូវរួមគ្នាគាំទ្រកិច្ចការនានា ស្របតាមច្បាប់តម្រូវ ដើម្បីធានាឱ្យការបោះឆ្នោតជ្រើសរើសក្រុមប្រឹក្សាឃុំ សង្កាត់ ខាងមុខនេះប្រព្រឹត្តទៅក្នុងលក្ខណៈសេរី ត្រឹមត្រូវ យុត្តិធមឥ និងមានសុវត្ថិភាព»។
គួរជម្រាបដែរថា ការបោះឆ្នោតជ្រើសរើសក្រុមប្រឹក្សា ឃុំ សង្កាត់ ឆ្នាំ២០១៧នេះ នឹងចាប់ផ្តើមនៅថ្ងៃទី ០៤ ខែមិថុនា ឆ្នាំ២០១៧។
តាមតារាងលទ្ធផលផ្លូវការចុះឈ្មោះបោះឆ្នោតដើម្បីរៀបចំបញ្ជីបោះឆ្នោតថ្មីដែលប្រកាសផ្សាយជាសាធារណៈកាលពីថ្ងៃទី ១២ ខែកុម្ភៈ ឆ្នាំ២០១៧ ឱ្យដឹងថាពលរដ្ឋដែលបានទៅចុះឈ្មោះបោះឆ្នោតសរុបជិត ៨ លាននាក់ ប្រមាណជា ៨១,៣៨%។ ចំណែកការិយាល័យបោះឆ្នោតសរុបមានជាង ២ ម៉ឺនការិយាល័យ។ គិតមកដល់ពេលនេះ ក្រសួងមហាផ្ទៃបាន ចុះ ឈ្មោះគណបក្សនយោបាយ មានជាង៧០ ៕
