នាវាផ្ទុកយន្តហោះចម្បាំងដ៏ធំរបស់អាមេរិក USS Carl Vinson អមដោយនាវាពិឃាដបានចាប់ផ្ដើម ធ្វើនាវាចរណ៍ម្ដងទៀត នៅសមុទ្រចិនងខាងត្បូង ដែលបន្តធ្វើឱ្យទំនាក់ទំនងចិន-អាមេរិក ពើតផ្សាជាថ្មីទៀត។
ការចល័តនាវាចម្បាំងដ៏ធំរបស់អាមេរិកបានធ្វើឡើងតែប៉ុន្មានថ្ងៃប៉ុណ្ណោះ បន្ទាប់ពីក្រសួងការបរទេសចិន ព្រមានក្រុងវ៉ាស៊ីនតោនថានឹងជួបផលលំបាកដោយអះអាងថា ទីនោះជាដែនទឹករបស់ ចិន។ តាមបណ្ដាញផ្សាយព័ត៌មាន BBC នាវារបស់អាមេរិកត្រូវបើកកៀកបំផុត ប្រជុំកោះសិប្បនិម្មិត របស់ចិន ដែលទើបស្ថាបនាហើយ។
កាលពីថ្ងៃពុធសប្ដាហ៍នេះ អ្នកនាំពាក្យក្រសួងការបរទេសចិន Geng Shuang និយាយថា ៖«យើង ទទូចឱ្យអាមេរិក កុំធ្វើសកម្មភាពកងទ័ព ដែលប៉ះពាល់ដល់ដែនអធិបតេយ្យ និង សន្តិសុខ របស់ចិន»។
ប្រទេសចិន មានជំលោះប្រទេសជិតខាង ករណីសមុទ្រចិនខាងត្បូង មានប្រទេស ហ្វីលីពីន វៀតណាម ព្រុយណេ ម៉ាឡេស៊ី និងកោះតៃវ៉ាន់។
តែករណីនេះ អាមេរិកដែលនៅឯនាយនៃសមុទ្រប៉ាស៊ីហ្វិច បានតែងតែបើកនាវាចម្បាំងរបស់ខ្លួនឆ្លងកាត់ទីនោះ ដោយចាត់ទុកថា ជាផ្លូវទឹកអន្តរជាតិ៕ ប្រភពៈBBC
