ភ្នំពេញ៖ ប្រធានរដ្ឋនៃសាធារណរដ្ឋប្រជាធិបតេយ្យប្រជាមានិតទ្បាវ លោក ប៊ុន ញុំងវរជិត (Bounnhang Vorachith)នឹងមកបំពេញទស្សនៈកិច្ចនៅកម្ពុជារយៈពេល ១ថ្ងៃ តបតាមការអញ្ចើញរបស់ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមាហាក្សត្រនៃព្រះរាជាណាចក្រកម្ពុជា។
យោងតាមសេចក្តីជូនព័ត៌មានរបស់ក្រសួងការបរទេស និងសហប្រតិ បត្តិការអន្តរជាតិ ចុះថ្ងៃទី ១៧ ខែកុម្ភៈ ឆ្នាំ២០១៧នេះ លោក ប៊ុន ញុំងវរជិត នឹងដឹកនាំគណៈប្រតិភូរបស់ខ្លួនមកបំពេញទស្សនកិច្ចផ្លូវរដ្ឋនៅកម្ពុជាចាប់ពីថ្ងៃទី ២២ ដល់ថ្ងៃទី ២៣ ខែកម្ភៈ ឆ្នាំ២០១៧។
តាមប្រភពដដែល ដំណើរទស្សនកិច្ចផ្លូវរដ្ឋនេះនឹងជាព្រឹត្តិការណ៍ដ៏សំខាន់មួយដើម្បីលើកកម្ពស់បន្ថែមទៀតនូវចំណងមិត្តភាព ហើយនឹងពង្រឹងនូវកិច្ចសហប្រតិបត្តិការលើគ្រប់វិស័យរវាងប្រទេស និងប្រជាជនទាំងពីរ។
ក្នុងដំណើរទស្សនកិច្ចនេះ លោក ប៊ុន ញុំងវរជិតនឹងចូលក្រាបង្គំគាល់ព្រះមហាក្សត្រ នរោត្តមសីហមុនី និង មានជំនួបពិភាក្សាការងារមួយចំនួនជាមួយថ្នាក់ដឹកនាំជាន់ខ្ពស់រាជរដ្ឋាភិបាលកម្ពុជាផងដែរ។ នេះជាទស្សនកិច្ចលើកទី៤របស់ប្រមុខរដ្ឋនៃប្រទេសសមាគមអាស៊ាន ដែល មកកាន់កម្ពុជា។ មេដឹកនាំទាំងនោះ គឺមានមេដឹកនាំប្រទេស ឡាវ សិង្ហបុរី ហ្វីលីពីន និង មីយ៉ាន់ម៉ា៕
