ភ្នំពេញ៖ក្រសួងធនធានទឹកនិងឧតុនិយមបានទទួលកម្ចីចំនួន ២០០លានអឺរ៉ូ ពីភ្នាក់ងារអភិវឌ្ឍន៍បារាំងដើម្បីជំរុញហេដ្ឋារចនាសម្ពន្ធ័ទឹកសំរាប់ស្រោចស្រពវិស័យកសិកម្ម។
យោងតាមទីភ្នាក់ងារព័ត៌មានជាតិ AKP ថវិកាថ្មីនេះស្ថិតក្រោមគម្រោងដែលហៅថា «ទឹកនិងគម្រោងវិស័យកសិកម្មជំហានទី២» មានរយៈពេលប្រាំបីឆ្នាំ។ ក្នុងគម្រោងទឹកនិងវិស័យកសិកម្មជំហានទី១ ភ្នាក់ងារអភិវឌ្ឍន៍បារាំងបានវិនិយោគចំនួន ២៤លានអឺរ៉ូ។ គម្រោងទាំងនេះធ្វើឡើងក្នុងគោលដៅជួយប្រជាកសិករខ្មែរ៕
