ភ្នំពេញ ៖ ខណៈដែលលោក កឹម សុខ អ្នកវិភាគឥតសំចៃមាត់ពីបញ្ហាសង្គម និងនយោបាយ ដល់ពេលកំណត់ចូលបំភ្លឺនៅសាលាដំបូងរាជធានីភ្នំពេញ នៅព្រឹកថ្ងៃទី១៧ ខែកុម្ភៈនេះ មានពលរដ្ឋជាច្រើនរយនាក់បាន អមដំណើរដំណើរ។
លោក គឹម សុខ បានធ្វើដំណើរទៅសាលាដំបូងរាជធានីភ្នំពេញ តាមរយៈថ្មើរជើង។ លោកបានចេញដំណើរតាំងម៉ោង ៧ព្រឹក ពីវត្តចាស់នៅសង្កាត់ជ្រោយចង្វា រហូតមកដល់ម៉ោង ១១ព្រឹក ទើបតែដើរដល់ តុលាការរាជធានីភ្នំពេញ ។
តាមអ្នករាយការណ៍ព័ត៌មាន ពលរដ្ឋប្រមាណជា ២០០០ពាន់ បានមកអមដំណើរ ។
ពលរដ្ឋដែលអមដំណើរអ្នកវិភាគរូបនេះ បានបង្ហាញ អារម្មណ៍ក្តុកក្តួល និងឈឺចាប់ ខណៈដែលពួកគេគ្មានសង្ឃឹមថាលោក គឹម សុខ នឹងរួចខ្លួនពីសំណាញ់ច្បាប់ឡើយ។
ចំណែកនៅខាងមុខតុលាការ ពលរដ្ឋជាច្រើនពាន់នាក់ក៏បានមកប្រមូលផ្ដុំ ដើម្បីលើកទឹកចិត្តលោក គឹម សុខ ផងដែរ។ លោក គឹម សុខ បានប្រាប់អ្នកសារព័ត៌មានក្នុងពេលលោកសម្រាក់បន្តិចថា លោកធ្វើពិធីនេះ ដែលមាន ព្រះសង្ឃ ប៊ុត ប៊ុនតិញ ជាអ្នក រៀបចំដែរនោះ គឺដើម្បីបង្ហាញពីសេរីភាពរបស់លោកមុនលោកត្រូវទៅដល់តុលាការ។ អ្នកវិភាគរូបនេះប្រាប់ថា ទោះជាលោកជាប់ពន្ធនាគាររឿងសម្ដេចនាយករដ្ឋមន្ត្រី ប្ដឹងលោកថា បរិហារកេរ្តិ៍បក្សប្រជាជន រឿងលោកបណ្ឌិត កែម ឡី ក៏ដោយ តែលោកសុខចិត្តដេកគុកតែមិនទទួលកំហុសឡើយ។
តាមដីការបស់តុលាការ លោ គឹម សុខ ត្រូវឡើងបំភ្លឺនៅព្រឹកនេះ គឺត្រូវឡើងមកដល់តុលាការនៅម៉ោង ៩និង ១៥នាទី ៕
