លោក គឹម ជុងណាម ជាបងប្រុសច្បងគេនៃសែលោហិតឪពុកតែមួយគឺអតីតមេដឹកនាំ គឹម ជុងអ៊ុន និងជាបងប្រុសម្ដាយទីទៃរបស់មេដឹកនាំ គឹម ជុងអ៊ុន ដែលពិពភលោកដាក់រហស្សនាមថា ជាជនផ្ដាច់ការកាចសាហាវ។ លោក ជុងណាម កើតនៅឆ្នាំ១៩៧១។ ម្ដាយ របស់គាត់ គឺជាតួគុនគឺអ្នកស្រី Song Hye-rim។
ប៉ុន្តែលោក ជុងណាម មិនបាននៅជាប់នឹងម្ដាយទេ គាត់ត្រូវបានយកទៅចិញ្ចឹមដោយស្ត្រីម្នាក់ជាម្ដាយមីង ។ លោករស់នៅជាកុមារដោយ ភាពអាថកំបាំង រហូតធំដឹងក្ដី បានទៅ រៀននៅ ប្រទេសរុស្ស៊ី និង ញូហ្សេឡេន។ គាត់ជាបញ្ញាជនដែលចេះច្រើនភាសា គឺភាសាបារាំង អង់គ្លេស និង រុស្ស៊ី។ លោកបានត្រឡប់មក នៅប្រទេសកូរ៉េខាងជើងវិញ នៅចុងទសវត្ស ១៩៨០។ តែយ៉ាងនេះ លោក ជុងណាម បានជួបឪពុក គឺលោក គឹម ជុងអ៊ីល ដោយការណាត់ជួបគ្នា ។ តែគាត់បានជួបជិតា គឹមអ៊ីល ស៊ុង ច្រើនជាងឪពុក។
យ៉ាងណាក៏ដោយលោក ជុងណាម ក៏ធ្លាប់ត្រូវបានជិតាផ្ចុងផ្ដើមក្លាយជាមេដឹកនាំ នៃប្រទេស កុំម្មុយនិស្តនេះដែរ។ ដៃគូប្រជែងរបស់លោកគឺប្អូនប្រុស គឹម ជុងអ៊ុន ដែលជាកូនសណ្វចិត្តរបស់លោក គឹមជុង អ៊ីល។ ក្រោយពី គឹមជុង អ៊ុន ឡើងស្នងតំណែងពីឪពុកភ្លាមគឺប៉ុន្មានឆ្នាំប៉ុណ្ណោះលោក ជុងណាម បាននិរទេសខ្លួនឯងទៅនៅប្រទេសចិនគឺក្រុងម៉ាកាវ ដែលរដ្ឋាភិបាលចិនជួយទំនុងបម្រុងនិងការពារ។ លោកធ្លាប់ព្យាយាម ទៅនៅប្រទេសជប៉ុនផងដែរ។
ករណីឃាតកម្មនេះមានការសង្ស័យថា ជាស្នាដៃរបស់ភ្នាក់ងារសម្ងាត់កូរ៉េខាងជើងយោងតាមភ្នាក់ងារចារកម្មអាមេរិកនិងកូរ៉េខាងត្បូងគេសង្ស័យឃាតកម្មនេះជាអំពើរបស់ភ្នាក់ងារសម្ងាត់របស់រដ្ឋកូរ៉េខាងជើង។
នៅរយៈពេលប្រាំឆ្នាំចុងក្រោយនេះលោក គឹម ជុងណាម មានជំលោះជាមួយលោក គឹម ជុងអ៊ុន ដោយ គាត់បានសុំឱ្យប្អូនដកបទបញ្ជាតាមសម្លាប់គាត់។ ចំពោះអ្នកវិភាគខ្លះក៏យល់ឃើញដូចនេះដែរ។ ពួកគេ ថារឿងមួយគឺភ័យខ្លាចការដណ្ដើមអំណាចឬផ្លួលរំលំរបបនៅក្រុងព្យុងយ៉ាង។ កាលពីឆ្នាំ២០១២ មានការប៉ុនប៉ងធ្វើឃាតលោក គឹម ជុងណាម ម្ដងមកហើយ។ នេះបើយោងតាមប្រភពរបស់ទីភ្នាក់ងារសារព័តមាន Reuters។
តែប្រភពក៏ទទួលបានព័ត៌មានពីប្រភពមួយដែរស្និទ្ធនឹងមន្ត្រីក្រុងព្យុងយ៉ាងថា របបនៅកូរ៉េខាងជើង សព្វថ្ងៃនេះមិនបាននៅពីកក្រោយឃាតកម្មនេះទេ។ តែគេអាចសន្និដ្ឋានមួយទៀតអាចមកពីការច្រណែនឈ្នាស់នីរឿងមរតកបន្សល់ទុកពីជីតា ឪពុក និងពីឪពុកមារគឺលោក ចាង សុងតេក ដែលត្រូវជាពូបង្កើតលោក គីម ជុងអ៊ុន។ យ៉ាងណាក៏ដោយលោក ជុងណាម មានភរិយាចំនួន ២នៅពេលតែមួយ គឺម្នាក់នៅ ម៉ាកាវ និងម្នាក់ទៀតនៅទីក្រុងប៉េកាំង៕ ប្រភព:BBC
