អាជ្ញាធរម៉ាឡេស៊ី បានចាប់ខ្លួនស្ត្រីម្នាក់ទៀតនៅព្រឹកថ្ងៃព្រហស្បតិ៍នេះ ជាស្ត្រីទី២ សង្ស័យពាក់ព័ន្ធ ឃាតកម្មលើលោក គឹម ជុងណាម បងប្រុសមេដឹកនាំកូរ៉េខាងជើង គឹម ជុងអ៊ុន។
លោក គឹម ជុងណាម ត្រូវបានសម្លាប់ដោយសង្ស័យលើស្ដ្រីម្នាក់ ប្រើសារធាតុពុល ខណៈគាត់រង់ចាំជិះយន្ដហោះនៅទីក្រុង កូឡាឡាំពួរ កាលពីថ្ងៃចន្ទទី១៣ កុម្ភៈ ខណៈគាត់ត្រៀមឡើងយន្តហោះ ទៅទីក្រុងម៉ាកាវដែលនៅទីនោះ គឺជាទីជ្រកកោនរបស់លោក។
តាមប្រភពរបស់បណ្ដាញផ្សាយព័ត៌មាន Channel News Asia ស្ត្រីដែលសមត្ថកិច្ចចាប់ខ្លួននេះ គឺនាង Siti Aishah អាយុ ២៥ឆ្នាំ កាន់លិខិតឆ្លងដែនប្រទេស ឥណ្ឌូនេស៊ី។ ស្ត្រីទីមួយដែលត្រូវបានចាប់ខ្លួន ក្នុង ករណីនេះ មានអាយុ ២៨ ឆ្នាំ កាន់លិខិតឆ្លងដែន វៀតណាម៕ ប្រភព:CNA
