អតីតនាយករដ្ឋមន្ត្រីថៃ យីងឡាក់ ស៊ីណាវាត្រា បានសំដែងការឈឺចាប់និងស្រក់ទឹកភ្នែត ដោយ សារតែលោកឧត្តមសេនីយ៍ ប្រាយុទ្ធចាន់អូចា បានចេញបទបញ្ញាឱ្យរឹបអូសទ្រព្យសម្បត្តិតាមដីកាបង្គាប់របស់តុលាការ។
តាមសារព័ត៌មាន Thai The Nation ទ្រព្យសម្បត្តិលោកស្រី យីងឡាក់ ដែលត្រូវរឹបអូសគិតជាប្រាក់ ៣៦ពាន់លានបាត។ លោកស្រីចាត់ទុកនេះជារឿងអយុត្តិធម៌ បំផុតចំពោះលោកស្រី។ លោកឧបនាយករដ្ឋមន្ត្រី Wissanu Krea-ngam ជាអ្នកដឹកនាំសមត្ថកិច្ច រឹបអូសទ្រព្យសម្បត្តិរបស់លោកស្រី យីងឡាក់។ លោកបាននិយាយថា តុលាការបាន បង្គាប់ម្ដងហើយ។ រឿងរ៉ាវមកដល់ពេលនេះដោយសារតែលោកស្រី ត្រូវបានតុលាការកំពូលកាត់ក្តីក្នុងកំហុសណ្តោយឱ្យមានអំពើពុករលួយក្នុងគម្រោងទិញស្រូវរបស់រដ្ឋដែលធ្វើឱ្យកសិករ ខាតបង់ប្រាក់រាប់ម៉ឺនបាតម្នាក់ៗ។ បណ្តឹងដែលប្តឹងលោកស្រី យីងឡាក់ ធ្វើឡើងដោយគណៈកម្មាការប្រឆាំងអំពើរពុករលួយ៕ ប្រភព: Thai The Nation
