ភូមា៖រដ្ឋមន្ដ្រីការបរទេសនៃប្រទេសឥណ្ឌូនេស៊ីទទូចសុំឲ្យរដ្ឋាភិបាលភូមាពន្លឿនការដោះ ស្រាយសន្ដិភាពនិងឈប់បង្ក្រាបទៅលើពួកសហគមន៍ជនជាតិដើមភាគតិចរ៉ូហ៊ីងយ៉ាដោយព្រមានថា វាអាចនាំឲ្យមានអស្ថិរភាពនៅទូទាំងអាស៊ីអាគ្នេយ៍។
គិតមកដល់ពេលនេះសហគមន៍រ៉ូហ៊ីងយ៉ាភូមា ដែលគេថាជាជនអន្ដោប្រវេសន៍មករស់នៅប្រទេសភូមាកាលពីសម័យអាណានិគមអង់គ្លេសត្រូវបានបណ្ដេញចេញពីប្រទេសភូមា ដោយសារតែរដ្ឋធម្មនុញ្ញរបស់ប្រទេសនេះ ចាត់ទុកពួកគេជាអន្ដោប្រវេសន៍ខុសច្បាប់។ មកដល់ពេលនេះសហគមន៍រ៉ូហ៊ីងយ៉ាជិត ៧ម៉ឺននាក់ បានភៀសខ្លួនត្រឡប់ទៅប្រទេសបង់ក្លាដេសនិងប្រទេសមួយចំនួនទៀត ដើម្បីសុំសិទ្ធិជ្រកកោន។
រដ្ឋមន្ដ្រីការបទេសឥណ្ឌូនេស៊ីលោក Retno Marsudi ដែលស្ថិតក្នុងដំណើរទស្សនកិច្ចនៅប្រទេសសិង្ហបូរីបាននិយាយថា រដ្ឋាភិបាលនៃប្រទេសភូមាត្រូវតែបង្កើតឲ្យបាននូវដំណោះស្រាយការបង្រួបបង្រួមជាតិឲ្យបានឆាប់បំផុតដើម្បីបញ្ចប់អំពើហិង្សាជាតិសាសន៍នេះ ដែលលោកថា ប៉ះពាល់យ៉ាងធ្ងន់ធ្ងរដល់គោ លការណ៍មនុស្សធម៌និងសន្ដិសុខក្នុងតំបន់។
កាលពីសប្ដាហ៍មុននាយករដ្ឋមន្ដ្រីម៉ាឡេស៊ីលោក ណាជីប រ៉ាហ្សាក់ ក៏បានអំពាវនាវឲ្យរដ្ឋាភិបាលភូមាបញ្ចប់ការរើសអើងជាតិសាសន៍នេះផងដែរ។ (AFP)
