ប៉ារីស ៖ លោក សម រង្ស៊ី ប្រធានគណបក្សសង្គ្រោះជាតិដែលទើបប្រកាសលាលែងចេញតំណែងជាប្រធានបក្ស នៅរសៀលថ្ងៃទី ១២ កុម្ភៈនេះ បានធ្វើការបំភ្លឺពីការលាលែងពីតំណែងរបស់លោក ចំពោះមុខគណៈកម្មាធិការនាយក គណបក្សសង្គ្រោះជាតិ តាមរយៈប្រព័ន្ធ Skype ពីប្រទេសបារាំង ថា គឺដើម្បីការពារគណបក្សសង្គ្រោះជាតិ បញ្ចៀសការរំលាយគណបក្ស។
សូមស្តាប់ប្រសាសន៍លោក សម រង្ស៊ី ដូចតទៅ!
នៅរសៀលថ្ងៃនេះដែរ គណបក្សសង្គ្រោះជាតិបានបើកកិច្ចប្រជុំនៃគណៈអចិន្ត្រៃយ៍បក្សសង្គ្រោះជាតិដោយសម្រេចប្រគល់សិទ្ធិជូនឯកឧត្តម កឹម សុខា អនុប្រធាគណបក្ស ទទួលតួនាទីជាប្រធានស្តីទីដើម្បីដឹកនាំគណបក្សរហូតដល់មានការជ្រើសរើសប្រធានគណបក្សថ្មី។
លោក យឹម សុវណ្ណ អ្នកនាំពាក្យគណបក្សសង្គ្រោះជាតិបានបញ្ជាក់បន្ថែមថា ឯកឧត្តម កឹម សុខា នឹងកាន់តួនាទីជាប្រធានស្តីទីគណបក្សសង្គ្រោះជាតិ រហូតដល់ថ្ងៃទី ៧ ខែមេសាឆ្នាំ ២០១៨ ជាពេលវេលាដែលគណបក្សនឹងប្រារព្ធធ្វើសមាជជាផ្លូវការ៕
