អគ្គស្នងការនគរបាលជាតិនៃក្រសួងមហាផ្ទៃ បានណែនាំឲ្យមន្ត្រីក្រោមឱវាទធ្វើការត្រួតពិនិត្យឲ្យបានតឹងរឹង និងលុបបំបាត់ប៉ុស្តិត្រួតពិនិត្យទារយកប្រាក់ពីប្រជាពលរដ្ឋ។
ក្រសួងក៏បញ្ជាឲ្យចាប់ខ្លួនចំពោះមន្ត្រីនគរបាលរូបណា ដាក់ប៉ុស្តិទារប្រាក់ យកមកផ្តន្ទទាទោសតាមផ្លូវច្បាប់ដោយគ្មានការយោគយល់ឡើយ។
បើយោងតាមសេចក្តីណែនាំរបស់ក្រសួងមហាផ្ទៃផ្សព្វផ្សាយកាលពីថ្ងៃទី ៦ កុម្ភៈ ឆ្នាំ ២០១៧ ស្តីពីគារបង្កើតគណៈបញ្ជាការដឹកនាំត្រួតពិនិត្យ និងលុបបំបាត់ប៉ុស្តិត្រួតពិនិត្យអណាធិបតេយ្យតាមផ្លូវគោក និងផ្លូវទឹក បានណែនាំឲ្យមន្ត្រីក្រោមឱវាទ ទទួលយកការណែនាំទៅអនុវត្តឱ្យមានប្រសិទ្ធភាព។
បើតាមសេចក្តីណែនាំដដែល បានបញ្ជាឲ្យមន្ត្រីនគរបាលធ្វើការអប់រំកងកម្លាំងនគរបាលក្រោមឱវាទឡើងវិញ អំពីវិធានការ នេះ។ ក្រសួងក៏បានណែនាំមន្ត្រីគនរបាលកុំប្រើប្រាស់អំណាចខុសច្បាប់ ឬដាក់ប៉ុស្តិទារលុយពីពលរដ្ឋ។
ក្រសួងបញ្ជាក់បន្ថែមថា ស្នងការនគរបាលទូទាំប្រទេសត្រូវទទួលខុសត្រូវហើយ ប្រសិនបើមានករណីប្រជាពលរដ្ឋប្តឹងថា មានមន្ត្រីនគរបាលដាក់ប៉ុស្តិជម្រិតទារប្រាក់ ត្រូវតែទទួលខុសត្រូវចំពោះមុខច្បាប់។ លើសពីនេះ ក្រសួងបានណែនាំឲ្យមន្ត្រីក្រោមឱវាទាំងអស់ត្រូវចុះល្បាតត្រួតពិនិត្យតាមផ្លូវគោក និងផ្លូវទឹកជារាងរាល់ថ្ងៃ ដើម្បីទប់ស្កាត់ដាក់ប៉ុស្តិទារប្រាក់ពីពលរដ្ឋឲ្យទាន់ពេលវាលា៕
