ខណៈដែលរដូវនៃការឃោសនាបោះឆ្នោតកាន់ជិតមកដល់ពេលក្នុងពេលដ៏ខ្លីខាងមុខនេះ សម្តេចនាយករដ្ឋមន្ត្រីហ៊ុន ហ៊ុនបានព្រមានចាត់វិធានការយ៉ាងម៉ឺតម៉ាត់ ចំពោះគណបក្សនយោបាយណាដែលដើរឃោសនា ប្រាប់ប្រជាពលរដ្ឋថា នឹងលុបចោលបំណុល ប្រសិនបើបក្សខ្លួនឈ្នះ។
សម្តេចបានបញ្ជាឱ្យចាប់ខ្លួនភ្លាមៗទៅលើបុគ្គលនោះ ដោយសម្តេចលើកឡើងបុគ្គលនោះ ជាជនបោកប្រាស់ព្រោះតែសន្លឹកឆ្នោត។
សម្តេចនាយករដ្ឋមន្ត្រីហ៊ុន សែន៖«ព្រោះវាដើរបោកប្រាស់រាល់ថ្ងៃនេះ បើបោះឱ្យខ្ញុំទៅខ្ញុំទៅខ្ញុំលុបចោលបំណុល ។អញ្ចឹងយើងលេងអាហ្នឹងឱ្យធ្ងន់មើល តាមមូលដ្ឋានចាប់ចងស្លាបសេកនៅហ្នឹង បញ្ជូនទៅឱ្យតុលាការកាត់ទោស ព្រោះអាហ្នឹងដើរបោក។នេះជាវិធីដើរបោក សិក្សាតាមផ្លូវច្បាប់មើលតើអាចដោះស្រាយបានអត់ ព្រោះអាហ្នឹងជាការជំរុញមួយឱ្យប្រជាជនទៅខ្ចីបន្ថែមទៀត ហើយដូចជាសម្លាប់ប្រជាជនទាំងរស់ ព្រោះតែសន្លឹកឆ្នោត»។
ទន្ទឹមនឹងនេះ សម្តេចបានព្រមានផងដែរថា នឹងបិទស្ថាប័នមីក្រុហិរញ្ញវត្ថុណាដែលមិនប្រាប់ថាលុយ ដែលឱ្យខ្ចីនោះជាលុយឯកជន ដែលធ្វើឱ្យប្រជាជនយល់ច្រលំថា ជំពាក់បំណុលរដ្ឋ។ ព្រមជាមួយគ្នានេះដែរ សម្តេច ក៏បានព្រមានទៅលើមីក្រូហិរញ្ញវត្ថុទាំងអស់ ដែលឱ្យប្រជាពលរដ្ឋខ្ចីបំណុល ហើយចង់រឹបអូសយកផ្ទះផងដែរ។
សម្តេចនាយករដ្ឋមន្ត្រីហ៊ុន ហ៊ុន៖«មិនទាន់ទាំងដល់ម៉ោងផងទៅរឹមអូសយកផ្ទះទៅហើយ អាធន់ហ្នឹងក៏ត្រូវតែធ្វើដែរ មានករណីអាធន់ហ្នឹងប៉ុន្មានកន្លែង ដែលធ្វើអន្តរាគមន៍ទាន់ពេលពេលវេលា ដែលលុយថាសងនៅថ្ងៃហ្នឹងតែថ្ងៃហ្នឹងអត់ទាន់ដល់ម៉ោងផងគាត់ទៅយកផ្ទះគេទោហើយ អាធន់ហ្នឹងត្រូវមានវិធានការ បើត្រូវបិទ បិទ»។
សម្តេចបានអំពាវនាវដល់មីក្រូហិរញ្ញវត្ថុទាំងអស់ថា គួរផ្តល់ការយោគយល់ដល់ប្រជាជនដែលជួបការលំបាក ដែលជួបគ្រោះរាំងស្ងួត និងទឹកជំនន់ដែលគ្មានលទ្ធភាពសង តាមរយៈការពន្យាការសង ឬមិនយកការប្រាក់ក្នុងពេលដែលពួកគាត់ជួបការលំបាក៕
