ក្រសួងសេដ្ឋកិច្ច និងហិរញ្ញវត្ថុបានប្រកាសជ្រើសរើសមន្ត្រីជាប់កិច្ចសន្យាចំនួន ៣០ រូប ។ ក្រសួងចាប់ផ្តើមទទួលពាក្យស្នើសុំបំរើការងារចាប់ពីថ្ងៃជូនដំណឹងនេះ រហូតដល់ថ្ងៃទី ២២ ខែ កុម្ភៈ ឆ្នាំ ២០១៧។
បើយោងតាមសេចក្តីជូនដំណឹងរបស់ក្រសួងនេះ បានប្រកាសជ្រើសរើសជំនាញ គណនេយ្យ សវនកម្ម ពន្ធដារ ធនាគារ និងហិញ្ញវត្ថុ ចំនួន ១៤ រូប។ ជំនាញព័ត៌មានវិទ្យា ៣រូប ជំនាញរដ្ឋបាល និងគ្រប់គ្រងធនធានមនុស្ស ៣ រូប ជំនាញនីតិសាស្ត្រ ចំនួន ៥ រូប និងជំនាញគ្រប់គ្រងធុរកិច្ច សេដ្ឋកិច្ច និងកិច្ចការអន្តរជាតិ ៥ រូប។
បេក្ខជនទាំងអស់ត្រូវមានសញ្ញាបត្រថ្នាក់បរិញ្ញាបត្រឡើងទៅស្របតាមជំនាញដែលជ្រើសរើស និងលើកទឹកចិត្តចំពោះបេក្ខជនដែលមានបទពិសោធន៍តាមជំនាញនិមួយៗ៕
