រ៉ូម ៖ ឆ្មាំសមុទ្របានឱ្យដឹងថា ជនភៀសខ្លួនជាង ១៣០០ នាក់ត្រូវបានជួយសង្គ្រោះ នៅក្នុងបេសកកម្មចំនួន ១៣លើកដាច់ដោយឡែកពីគ្នាក្នុងសមុទ្រ មេឌីទែរ៉ាណេ កាលពីថ្ងៃសុក្រ ទី០៣ ម្សិលមិញ ហើយរហូតមកដល់ពេលនេះ ចំនួនជនភៀសខ្លួនសរុបដែលត្រូវសង្គ្រោះរយៈ ពេលបីថ្ងៃចុងក្រោយនេះ បានកើនរហូតដល់ជាង ២៦០០នាក់ហើយ។
ជនភៀសខ្លួនទាំង ១៣០០ នាក់នោះត្រូវបានជួយសង្គ្រោះតាំងពីថ្ងៃពុធមកម្ល៉េះ។
បច្ចុប្បន្នការធ្វើដំណើរភៀសខ្លួនចេញពីប្រទេសលីប៊ីឆ្លងកាត់សមុទ្រ មេឌីទែរ៉ាណេ ទៅកាន់ប្រទេសអ៊ីតាលី គឺជាច្រកសំខាន់មួយទៅកាន់អឺរ៉ុបសម្រាប់ជនភៀសខ្លួន។
កាលពីឆ្នាំមុន មានជនភៀសខ្លួនចំនួន ១៨១ ០០០ ម្នាក់បានធ្វើដំណើរភៀសខ្លួនចេញពីប្រទេសរបស់ពួកគេ ហើយពួកគេត្រូវបានគ្រប់គ្រងដោយអ្នករត់ពន្ធ។ ចំណែកជនភៀសខ្លួនជាង ៥០០០ នាក់ត្រូវគេជឿថា បានស្លាប់ខណៈព្យាយាមឆ្លងកាត់ព្រំដែនកាលពីឆ្នាំ ២០១៦៕ប្រភព៖CNA
