ភ្នំពេញ៖ក្រុមហ៊ុនទូរសព្ទ័ចល័តនាំមុខគេនៅកម្ពុជាគឺក្រុមហ៊ុន Cellcard កំពុងរួមដៃជាមួយក្រុម ហ៊ុន Nokia ដើម្បីពង្រីកការគ្របដណ្តប់សេវាទូទាំងប្រទេសដើម្បីពង្រីកល្បឿនអ៊ីនធើណែតលឿនបំផុតកម្រិត 5G នៅប៉ុន្មានឆ្នាំខាងមុខនេះ។
ក្រុមហ៊ុន Cellcard បច្ចុប្បន្នកំពុងប្រើប្រព័ន្ធអ៊ីនធើណែត 4G។ ហើយប្រសិនបើការបង្កើនកម្លាំងអ៊ីនធើណែត ឲ្យដល់កម្រិត 5G វានឹងធ្វើឲ្យក្រុមនេះ ប្រើប្រព័ន្ឌធ័អ៊ីនធើណែតលឿនជាងគេបំផុតក្នុងចំណោមក្រុមហ៊ុន ទូរសព្ទ័ចល័តនៅកម្ពុជា។ យោងតាមទិន្នន័យរបស់ក្រសួងប្រៃសណីយ៍និងទូរគមនាគមន៍ គិតមកត្រឹមចុងឆ្នាំ២០១៦ ប្រទេសកម្ពុជាមានក្រុមហ៊ុនទូរស័ព្ទចល័តចំនួនប្រាំមួយ ក្រុមហ៊ុនទូរស័ព្ទអចល័តចំនួនប្រាំបី និងក្រុមហ៊ុនសេវាកម្មអ៊ីនធើណែតចំនួន៣៥។ មានអ្នកប្រើប្រាស់ទូរស័ព្ទចល័តចំនួន ១៩,៣ លានទូរស័ព្ទ មានអ្នកប្រើប្រាស់អ៊ីនធើណែតតាមទូរស័ព្ទដៃចំនួន៧ លាននាក់និងមានអ្នកប្រើប្រាស់អ៊ីនធើណែតអចល័តចំនួន៩ម៉ឺនផ្ទះ៕
