បាតុកររាប់ម៉ឺននាក់បន្ដតវ៉ាចូលដល់ថ្ងៃទី ២ នៅសហរដ្ឋអាមេរិក នៅថ្ងៃនេះ ប្រឆាំងនឹងបទបញ្ជារបស់លោក ដូណាល់ត្រាំ ដែលហាមពលរដ្ឋម៉ូស្លីម មកពីប្រទេសចំនួន ៧ មិនឱ្យចូលសហរដ្ឋអាមេរិក ។
តាមសេចក្ដីរាយការណ៍របស់ទីភ្នាក់ងារសារព័ត៌មានAFP ហ្វូងមនុស្សដ៏ច្រើនកុះក បានមកប្រមូលផ្ដុំគ្នានៅសួនដ៏ធំមួយនៅក្រុងញ៉ូវយ៉ក ដែលគេបានដាក់ឈ្មោះថា សេរីភាពអន្ដោប្រវេសន៍ ។
តាមប្រភពដដែល បាតុករក៏បានប្រមូលផ្ដុំគ្នានៅសេតវិមានផងដែរ ទីដែលលោក ដូណាល់ត្រាំ សិ្ថតនៅទីនោះ ដើម្បីប្រតិបត្តិការងារប្រចាំឆ្នាំរបស់លោក ឋានៈជាប្រធានាធិបតី។
កាលពីថ្ងៃម្សិលមិញ បាតុករជាច្រើនម៉ឺននាក់បានប្រមូលផ្ដុំគ្នានៅរដ្ឋ Los Angeles Atlanta, Kansas City, Baltimore, Denver និងរដ្ឋ Seattle ។
លោក ដូណាល់ត្រាំកាលពីថ្ងៃសុក្រសប្ដាហ៍កន្លងទៅនេះ បានចុះហត្ថលេខាបញ្ជាឱ្យផ្អាកការទទួលយកជនភៀសខ្លួនទាំងអស់មកពីប្រទេសមួយចំនួនដូចជាមកពី ស៊ីរី អ៊ីរ៉ង់ អ៊ីរ៉ាក់ លីប៊ី ស៊ូម៉ាលី និងយាមែន ជាដើម។
បទបញ្ជារបស់លោក ដូណាល់ត្រាំ សម្រេចឱ្យព្យួរការទទួលយកជនភៀសខ្លួនមកពីប្រទេសស៊ីរី រយៈពេល ១២០ថ្ងៃ រីឯប្រទេសដទៃទៀតរយៈពេល ៩០ថ្ងៃ៕ប្រភព:BBC
