ភ្នំពេញ ៖ រយះពេល ២ថ្ងៃ ចាប់ពីថ្ងៃទី២៧ ដល់ថ្ងៃ២៨ ខែមករា មានករណីគ្រោះអគ្គិភ័យឆាប់ឆេះផ្ទះប្រជាពលរដ្ឋអស់ ៤ ករណី នៅទូទាំងប្រទេស។
ករណីទី១ ឆេះផ្ទះមួយខ្នង សង់ពីឈើប្រក់សង្ក័សី ទាំងស្រុង ស្ថិតនៅផ្សារភូមិកណ្តាល ឃុំត្រពាំងក្រសាំង ស្រុកបាទីខេត្តតាកែវ នៅវេលាម៉ោង១២ និង៤៥នាទី។ ចំណែកសម្ភារខូចខាត មានម៉ាស៊ីនកិនក្រណាត់ ២គ្រឿង គោយន្តភ្ជួរស្រែ ១គ្រឿង ក្រណាត់ ២០តោន និងសម្ភារមួយចំនួនធំ។ មូលដ្ឋានឆ្លងចន្តអគ្គិសនី បែកផ្កាភ្លើង។
ចំណែកករណីទី២ ឆេះផ្សារមួយកន្លែង ស្ថិតនៅភូមិបិតរំដួល ឃុំផ្ទះរ៉ុង ស្រុកភ្នំក្រវាញ ខេត្តពោធិសាត់វេលាម៉ោង ១៣និង ៥៥នាទី ។ ខូចខាតតូបលក់ដូរ ៣ តូប សង់ពីឈើប្រក់សាង្ក័សី។ មូលហេតុ ឆ្លងចរន្តអគ្គិសនី តែមិនបណ្តាលឱ្យមនុស្សគ្រោះថ្នាក់នោះទេ។
គួររំលឹកថា កាលពីថ្ងៃទី២៧ មករា ករណីអគ្គីភ័យកើតឡើង ២ លើកដែរ លើកទី១ ស្ថិតនៅភូមិតាហ៊ីង ឃុំព្រឺកដាច់ ស្រុកលើកដែក ខេត្តកណ្តាល ដោយមូលហេតុឆ្លងចរន្តអគ្គិសនី។ លើកទី មានករណីឆេះផ្ទះមួយខ្នងស្ថិតនៅភូមិឧត្តុង ឃុំព្រែកក្របៅ ស្រុកពាមជរ ខេត្តព្រៃវែង វេលាម៉ោង ១១និង ៥៥នាទីព្រឹក ដោយមូលហេតុដុតទៀនធូបសែនកុងម៉ា ប៉ុន្តែមិនបណ្តាលអោយគ្រោះថ្នាក់ដល់មនុស្សនោះទេ៕
