ភ្នំពេញ ៖ រដ្ឋាភិបាលជប៉ុនបានផ្តល់ជំនួយប្រមាណ ១៨១០ លានយ៉េន ស្មើនិងប្រមាណ ១៧.៥ លានដុល្លារ ក្នុងគម្រោងបោសសំអាតគ្រាប់មីន រយៈពេល ៣ ឆ្នាំ ចាប់ពីឆ្នាំ ២០១៧ រហូតដល់ ២០១៩។
លោក ហេង រតនា អគ្គនាយកមជ្ឈមណ្ឌលកម្ចាត់មីនកម្ពុជា( CMAC) បានបន្តថា ដើម្បីធ្វើការបោសសំអាតមីននៅកម្ពុជា កាន់តែមានប្រសិនភាពខ្ពស់ មជ្ឈមណ្ឌលកម្ចាត់មីនកម្ពុជា បានសម្រេចបញ្ជាទិញគ្រឿងចក្រកំទេចមីនថ្មី ចំនួន ៥ គ្រឿង ដែលក្នុងមួយគ្រឿងមានតម្លៃជិត ១ លានដុល្លារ នឹងមកដល់កម្ពុជានៅចុងឆ្នាំ ២០១៧។
តាមរបាយការណ៍របស់អគ្គនាយកមជ្ឈមណ្ឌលកម្ចាត់មីនកម្ពុជា បញ្ជាក់ថា ចាប់តាំងឆ្នាំ ២០០៧ រហូតមកដល់ឆ្នាំ ២០១៧ មន្ត្រីដោះមីនស៊ីម៉ាក់ CMAC បានពលីជីវិតចំនួន ៧ នាក់ ដោយសារផ្ទុះគ្រាប់មីនតោនបង្កៃដាក់ត្រួតលើគ្នាជាង១០គ្រាប់៕
