ក្រុមអ្នកវិទ្យាសាស្ដ្រអាមេរិក និងស្ដ្រី ប្រកាសធ្វើបាតុកម្មឱ្យដូណាល់ ត្រាំ ផ្ដល់មូលនិធិគ្រប់គ្រាន់សម្រាប់ការប្រែប្រួលអាកាសធាតុ ។
តាមបណ្ដាញផ្សាយព័ត៌មានCNN អ្នកចាត់ចែង ព្រឹត្តិការណ៍បានអះអាងថា ពួកគេនឹងប្រមូលស្ដ្រី នឹងអ្នកវិទ្យាសាស្ដ្រ ជាង ១លាននាក់ មកប្រមូលផ្ដុំគ្នានៅខាងមុខសេតវិមាន ដើម្បីដាក់សំពាយឱ្យ លោក ដូណាល់ត្រាំ កែប្រែជំហរបស់ខ្លួនចំពោះគម្រោងកាត់បន្ថយមូលនិធិសម្រាប់កិច្ចការបរិស្ថាន ។
យោងតាមប្រភពរបស់CNN អ្នកចាត់ចែងព្រឹត្តិការណ៍នេះ បានបង្ហើបឱ្យដឹងថា ការតវ៉ានេះ មានគោលដៅឱ្យរដ្ឋកាលរបស់លោកដូណាល់ត្រាំ ផ្ដល់ការទុកចិត្ត ដោយរៀបចំជាកញ្ចប់របស់រដ្ឋាភិបាលដើម្បី ជួយពង្រឹងការងាររបស់អ្នកវិទ្យាសាស្ដ្រ និងការជួយទប់ស្កាត់ការឡើងកម្ដៅផែនដី ។
លោក ដូណាល់ត្រាំ បានគម្រាមថា លោកនឹងបញ្ឈប់ការផ្ដល់ប្រាក់ទៅឱ្យអង្គការសហប្រជាជាតិ ក្នុងគម្រោងកាត់បន្ថយការឡើងកម្ដៅដែល ផែនការរបស់លោកត្រាំ បាននាំអោយអ្នកវិទ្យាសាស្ដ្រមអាមេរិក ជំទាស់យ៉ាងខ្លាំង ៕ប្រភព:CNN
