ភ្នំពេញ៖ ព្រះមហាក្សត្រព្រះបាទនរោត្ដម សីហ មុនី កាលពីថ្ងៃពុធ ទី២៥ មករា បានប្រទានសញ្ញាបត្រដល់និស្សិតមកពីពុទ្ធិកសាកលវិទ្យាល័យព្រះសីហមុនីរាជា។
ការដែលព្រះមហាក្សត្រយាងប្រទានសញ្ញាបត្រដល់និស្សិតនៅថ្ងៃនេះគឺជាលើកដំបូងហើយក្នុងឋានៈព្រះអង្គជាព្រះមហាក្សត្រកម្ពុជា។ពុទ្ធិកសាកលវិទ្យាល័យព្រះសីហមុនីរាជាដែលទទួលសញ្ញាប័ត្រ ពី ព្រះអង្គមានចំនួន ៣៥០អង្គនាក់ ហើយពិធីនេះធ្វើឡើងនៅក្នុងព្រះបរមរាជវាំង។
និស្សិតជាច្រើនបានសម្ដែងការសាទរនិងរំភើបខណៈដែលពួកគេបានទទួលសញ្ញាបត្រដោយផ្ទាល់ពីព្រះមហាក្សត្រដ៏កម្រនេះ។
និស្សិតទាំងប្រុសស្រីបានបង្ហាញទស្សនៈរបស់ពួកគាត់ឱ្យដឹងថា នេះជាព្រឹត្តិការណ៍កម្រកើតមានដែលព្រះមហាក្សត្រសព្វព្រះរាជហរាទ័យប្រទានសញ្ញាបត្រដល់និស្សិត ហើយធ្វើឱ្យពួកគាត់ជួបព្រះភ័ក្រផ្ទាល់ហើយបានទស្សនាព្រះបរមរាជវាំងទៀតផង។
និស្សិតដែលទទួលសញ្ញាបត្រពីព្រះមហាក្សត្រ មានទាំងព្រះសង្ឃផងដែរ។ ព្រះសង្ឃមានថេរដីកាអរព្រះគុណ ជ្រាលជ្រៅចំពោះព្រះមហាក្សត្រ ហើយចង់ឱ្យព្រះអង្គបន្តប្រទានសញ្ញាបត្រដល់និស្សិតឆ្នាំក្រោយៗទៀត ព្រោះព្រះអង្គជានិមិ្មតរូបជាតិទាំងមូល។តាមទម្លាប់ការចែកសញ្ញាបត្រដល់និស្សិតច្រើនតែធ្វើឡើងដោយម្រុមុខរដ្ឋាភិបាល៕
