ប្រទេសធានាធិបតីនៃប្រទេស ម៉ិចស៊ិក លោក Enrique Pena Nieto បាននិយាយប្រាប់ជនរួមជាតិរបស់លោកថា លោកនឹងមិនបង្ខំអោយសភាអនុម័តដើម្បីជួយចំណាយការសង់របងព្រំដែនជាមួយអាមេរិកនោះទេ ។
ការថ្លែងរបស់ប្រធានាធិបតីរូបនេះ ធ្វើឡើងភ្លាមៗជាការឆ្លើយតប លោក ដូណាល់ ត្រាំ ដែលបានបញ្ជាឱ្យសិក្សាពីការចំណាយប្រាក់ដើម្បីចាប់ផ្ដើមសាងសង់របងព្រំដែនរវាងអាមេរិក និងម៉ិចស៊ិកឱ្យបានឆាប់បំផុត។ លោកប្រធានាធិបតីម៉ិចស៊ិចបានបញ្ជាក់ថា លោកមិនជឿថា សភាអាមេរិក អនុម័តតាមការចង់បានរបស់លោកដូណាល់ត្រាំនោះទេ តែបើសភាអនុម័តម៉ិចស៊ិក ក៏មិនបញ្ចេញប្រាក់ឯណាដើម្បីសាងសង់របងព្រំដែននោះដែរ ។
ស្របពេលជាមួយគ្នានេះ មេដឹកនាំគណបក្សប្រឆាំងនៃប្រទេសម៉ិចស៊ិកLopez Obrador បានថ្លែងប្រាប់អ្នកគាំទ្រលោកក្នុងមហាប្រជុំឃោសនាបោះឆ្នោតប្រធានាធិបតីនៅថ្ងៃព្រហស្បត្តិ៍នេះថា បើលោកដឹកនាំប្រទេសម៉ិចស៊ិក គឺលោក នឹងប្ដឹងអាមេរិករឿងសង់របងព្រំដែននេះ ទៅកាន់អង្គការសហប្រជាជាតិដោយលោកចាត់ទុកថា គឺជាកាយវិការរំលោភសិទ្ធិមនុស្សធ្ងន់ធ្ងរ ដែលពិភពលោកចាំបាច់ត្រូវតែទប់ស្កាត់។
លោក ដូណាល់ត្រាំ បាននិយាយនៅសេតវិមានប្រាប់អ្នកកាសារព័ត៌មាននៅថ្ងៃនេះ ថា លោកបានដាក់សំណើដើម្បីសុំកញ្ចប់ថវិការពីសភារួចរាល់ហើយ ក្នុងការសាងសង់របងព្រំដែនជាមួយប្រទេសម៉ិចស៊ិក ។ អ្វីដែលនាំអោយលោកដូណាល់ត្រាំមានគម្រោងដូចនេះ ដោយសារតែលោកព្រួយបារម្ភអំពីការហូរចូលជនអន្ដោប្រវេសន៍ម៉ិចស៊ិចចូលសហរដ្ឋអាមេរិក ដែលលោកថា កាន់តែច្រើនឡើងៗ ៕ BBC
