ហ្គាំបៀ៖ប្រទេសណាក៏មានការភ្ញាក់ផ្អើលដែរ ចំពោះជនផ្ដាច់ការនៅប្រទេស Gambia សុខចិត្ត ទម្លាក់ អាវុធក្រោមការឡោមព័ន្ធ របស់កងទ័ពសហភាពអាហ្រិ្វកខាងលិច ហើយសម្រេចឱ្យគេនិរទេសខ្លួនទៅនៅប្រទេស គីណេ ជាជាងការប្រឈមុខគ្នាគ្រោះថ្នាក់ដល់ជាតិទាំងមូល។
ល្បិចក្រាញអំណាចរបស់ជនផ្ដាច់ការ Yayha Jammeh ដែលមិនបានជោគជ័យនេះ ពិតជាមេរៀនមួយសម្រាប់ មេដឹកនាំផ្ដាច់ការមួយចំនួន នៅលើពិភពលោក ជាពិសេស មេដឹកនាំនៅទ្វីបអាហ្វ្រិកទាំងមូល ដែលសំបូរទៅដោយមេដឹកនាំផ្ដាច់ការ ច្រើនជាងគេបើធៀបនឹងទ្វីបដទៃទៀត។
បុរសកាន់អំណាច ២២ឆ្នាំនៅ Gambia ពោរពេញទៅដោយការរំលោភសិទ្ធិមនុស្សដែលបរាជ័ យក្នុងការបន្តក្រាញអំណាចនេះ បាននាំឱ្យមានការចោទសួរជាច្រើន ថា តើមកពីកត្តាអ្វីខ្លះ។
បើនិយាយពី កត្តាអ្វីខ្លះដែលនាំឱ្យលោក Jammeh មិនអាចបន្តកាន់អំណាចបានទៀតនោះ គឺមានដូចជា៖
-ដោយសារប្រជាជន Gambia បានទម្លាក់ លោកនៅក្នុងការបោះឆ្នោតប្រធានាធិបតី កាលពីថ្ងៃទី១ ធ្នូ។
-កម្លាំងគណបក្សប្រឆាំងកាន់តែធំ ហើយមានការគាំទ្រពីប្រជាជនកាន់តែខ្លាំង។
-មេបញ្ជាការកងទ័ពរបស់ប្រទេស Gambia ប្រកាន់ជំហរឯករាជ្យ មិនលំអៀងខាងបក្សនយោបាយ។
-រដ្ឋមន្ត្រីរបស់លោក Jammeh មិនគាំទ្រឱ្យលោកបន្តកាន់អំណាចទៀត។
-ប្រជាជនដែលបោះឆ្នោតគាំទ្រលោក មិនចេញមុខមកជួយការពារលោក។
-ភាពច្បាស់លាស់របស់ប្រធានាធិបតីជាប់ឆ្នោត Adama Barrow ដែលមិនប្រើប្រាស់មធ្យោបាយ ហិង្សា ហើយសម្រេចស្វែងរកអន្តរាគមន៍ពីសហគមន៍អន្តរជាតិ។
-សហគមន៍អន្តរជាតិជាពិសេសក្រុមប្រឹក្សាសន្តិសុខអង្គការសហប្រជាជាតិ ព្រមៗគ្នា គាបសង្កត់បុរសខ្លាំងរូបនេះ ដោយសម្រេចឲ្យកងទ័ពប្រជាធិបតេយ្យ សហភាពអាហ្វ្រិក ចូលបណ្ដេញលោកចេញពីវិមានប្រធានាធិបតី។
បណ្ដាញផ្សាយព័ត៌មានអន្តរជាតិចាប់អារម្មណ៍ ការបណ្ដេញលោក Jammeh
នៅពេលកងទ័ព អាហ្រិ្វកខាងលិចដែលទទួលបានភ្លើងខៀវ ពីក្រុមប្រឹក្សាសន្តសុខអង្គការសហប្រជា ជាតិ ចូលលុកលុយប្រទេសGambia ដើម្បីចាប់ខ្លួន លោក Jammeh គេសង្កេតឃើញ បណ្ដាញផ្សាយព័ត៌មានអន្តរជាតិល្បីៗជាច្រើន បានចុះផ្សាយព្រឹត្តិការណ៍នេះ យ៉ាងព្រោងព្រាត។ បណ្ដាញផ្សាយព័ត៌ មានទាំងនោះ មានដូចជា BBC, CNN, ABC Fox News, Channel News Asia, The Guardian, Telegram, AFP, AP, Reuters និងThai The Nation។
ករណីរបស់លោក Jammeh នាំឱ្យ ប្រទេសជិតខាងចាប់អារម្មណ៍
យ៉ាងតិចប្រទេស១០ ក្នុងចំណោមប្រទេសនៃទ្វីបអាហ្វ្រិកដែលមេដឹកនាំកាន់អំណាច ចាប់ពីជា២០ឆ្នាំឡើង កំពុងតែសិក្សាអំពីការបណ្ដេញចេញពីអំណាចដូចលោក Jammeh ពីតំណែង ដែរ ដែលពួកគេគិតពីការគ្រោះថ្នាក់ ចំពោះការបន្តក្រាញអំណាច។
ប្រទេសដែលចាប់អារម្មណ៍ជាងគេ ចំពោះលោក Jammeh ដែលត្រូវបានបង្ខំឱ្យនិរទេសខ្លួនគឺប្រទេស ស៊ីមបាវេ ។ ប្រទេសក្រីក្រមួយនេះ កំពុងស្ថិតនៅក្រោមការដឹកនាំរបស់តាចាស់ម្នាក់អាយុ៩៣ឆ្នាំគឺលោក Robert Mugabe។ប្រជាជននិងអ្នកនយោបាយរបស់ប្រទេសនេះ កំពុងសម្លឹកមើលការផ្លាស់ប្ដូរជនផ្ដាច់ការបានដោយជោគជ័យ។
ប្រទេសនេះត្រូវបានអង្គការសិទ្ធិមនុស្សអន្ដរជាតិជាច្រើនចាត់ទុកថា ជារដ្ឋមួយគ្រោះថ្នាក់បំផុតចំពោះក្រុមប្រឆាំងនិងអ្នកការពារសិទ្ធិមនុស្សនៅក្រោមការគ្រប់គ្រង់របស់លោក Robert Mugabe។ លោក Robert Mugabe បច្ចុប្បន្នមានអាយុ ៩៣ឆ្នាំ លោកនៅតែព្យាយាមបន្ដកាន់អំណាច ១អាណត្ដិទៀត ដែលលោកថា លោកចង់កាន់អំណាចរហូតលោកអាយុ១០០ឆ្នាំ។ មិនថាឡើយ ប្រទេសហ្ស៊ិប បាវេ គឺនៅមានប្រទេសជាច្រើនទៀតចាប់អារម្មណ៍ដូចគ្នានេះដែរ ដូចជា ទេស Cameroon, Equatorial, Guinea, Angola, Burkina Faso ,Uganda ,Sudan, Chad, Eritrea ,Congo៕
