ភ្នំពេញ៖ លោក កឹម សុខា ប្រធានស្ដីទីគណបក្សសង្គ្រោះជាតិបានចាប់ផ្ដើមចុះជួបសកម្មជនរបស់លោក នៅតាមមូលដ្ឋាននៅថ្ងៃ ចន្ទ ទី២៣ មករា នេះ ខណៈគណៈអចិន្ត្រៃយ៍រដ្ឋសភា មកពីគណបក្សប្រជាជនបានសម្រេចលើរបៀបវារៈមួយដើម្បីឲ្យសភាប្រជុំពេញអង្គ ថ្ងៃទី៣១ មករា បញ្ឈប់ប្រធានសភាសម្លេងភាគតិចរបស់លោក កឹម សុខា។
តាមគេហទំព័រហ្វេសប៊ុករបស់លោក កឹម សុខា ផ្សព្វផ្សាយនៅព្រឹកនេះបានបញ្ជាក់ថា លោក កឹម សុខា បានទៅជួបសកម្មជនរបស់លោកនិងអ្នកគាំទ្រគណបក្សសង្គ្រោះជាតិនៅខេត្ដព្រះសីហនុនៅព្រឹកថ្ងៃនេះ។ នេះជាលើកដំបូងហើយដែលមេដឹកនាំគណបក្សប្រឆាំងរូបនេះបង្ហាញមុខជាមួយនឹងសក ម្មជនរបស់លោកតាមមូលដ្ឋាន បន្ទាប់ពីលោកទទួលបានការលើកលែងទោសពីព្រះមហាក្សត្រ។
ប៉ុន្ដែអ្វីដែលគួរឲ្យកត់សំគាល់នោះគឺលោកចេញទៅខេត្ដនៅថ្ងៃនេះ បន្ទាប់ពីគណបក្សរបស់លោកប្រាប់ទៅគណបក្សប្រជាជនកម្ពុជាថា បើបក្សមួយបោះបង់ចោលឬក៏បញ្ឈប់តួនាទីរបស់សភាសម្លេងភាគតិច មានន័យថា ជាការបង្ហាញផ្លូវមួយឲ្យបក្សប្រឆាំងវិលទៅជួបពលរដ្ឋវិញនៅតាមជនបទ ហើយប្រាប់រឿ ងរ៉ាវន យោបាយស្រុកទេស ទៅកាន់ពលរដ្ឋទាំងនោះ។ យ៉ាងណាក៏ដោយសភាគណបក្សប្រជាជនកម្ពុជាបានសម្រេចឲ្យយកករណី ប្រធានសភាសម្លេងភាគតិចនៃរដ្ឋសភានោះទៅសុំកាអនុម័ត ពីកិច្ច ប្រជុំរដ្ឋសភានៅថ្ងៃ៣១ មករា ហើយបើរឿងនេះកើតឡើងមែនមានន័យថាលោក កឹម សុខា បានបាត់ បង់តំណែងរបស់លោក១ទៀតគឺប្រធានក្រុមសភាសម្លេងភាគតិចមកពីគណបក្សប្រឆាំង។
លោក កឹម សុខា កន្លងមកបានកាន់តំណែងជាអនុប្រធានទី១ រដ្ឋសភា បានជិតពីរឆ្នាំ ក្រោយមកលោក ត្រូវបានសភាគណបក្សប្រជាជនកម្ពុជា ដកចេញពីតំណែង បន្ទាប់ពីមានបាតុកម្មពីប្រជាជន ដែលគាំទ្រគណបក្សកាន់អំណាច ដាក់ញត្ដិទាមទារឲ្យដកតំណែងរបស់លោក៕
