ញូដេលី ៖ យ៉ាងហោចណាស់មនុស្ស ១៣ នាក់បានស្លាប់ និងប្រមាណ ១០០ នាក់រងផ្សេងទៀតរបួស បន្ទាប់រថភ្លើងល្បឿនលឿន បានបើកធ្លាក់ផ្លូវនៅភាគអាគ្នេយ៍ប្រទេសឥណ្ឌា ។ ហេតុការណ៍នេះជាគ្រោះមហន្តរាយចុងក្រោយបំផុតរបស់ប្រទេស ដែលមានបណ្តាញផ្លូវរថភ្លើងធំជាងគេបំផុតរបស់ពិភពលោក។
លោក J. P. Mishra បានអ្នកនាំពាក្យផ្លូវដែកទិសខាងកើតបានប្រាប់ទីភ្នាក់ងារ AFP ថា៖«មនុស្ស ១៣ នាក់ត្រូវបានគេបញ្ជាក់ថាបានស្លាប់ ចំណែកអ្នកផ្សេងទៀតបានរងរបួស»។ លោកបានថ្លែងថា៖ «ការអ្នករបួសត្រូវបានគេយកទៅកាន់មន្ទីរពេទ្យពីរកន្លែងនៅក្បែរនោះ»។
រថភ្លើងដែលជួបឧបទ្ទវហេតុនេះ ធ្វើដំណើរពីទីក្រុង Jagdalpur ទៅតំបន់ Bhubaneswar រដ្ឋធានី Odisha ។
របាយការណ៍របស់រដ្ឋាភិបាលក្នុងឆ្នាំ ២០១២ បានបញ្ជាក់ថា មានមនុស្ស ១៥០០០ នាក់បានស្លាប់ជារៀងរាល់ឆ្នាំ នៅលើផ្លូវដែកក្នុងប្រទេសឥណ្ឌា។
រដ្ឋាភិបាលលោកនាយករដ្ឋមន្ត្រី Narendra Modi បានសន្យាបោះទុនវិនិយោក្នុងទឹកប្រាក់ ១៣៧ ពាន់លានដុល្លាររយៈពេលប្រាំឆ្នាំ ដើម្បីធ្វើទំនើបកម្មផ្លូវដែកដែលបែកបាក់ និងចាស់ទ្រុឌទ្រុមឱ្យមានសុវត្ថិភាព លឿនជាងមុន និងមានប្រសិទ្ធិភាពបន្ថែមទៀត៕ប្រភព៖CNA
