ហ្គាំប៊ី ៖ លោកអតីតប្រធានាធិបតី ហ្គាំប៊ី យ៉ាយ៉ា ចាម៉េស៍ (Yahya Jammeh) បានចាកចេញប្រទេសតាមយន្តហោះហើយ បន្ទាប់កងទ័ពសហ ភាពអាហ្វ្រិច និងប្រជាជនខ្លួនឯងបានបណ្ដេញលោកពីតំណែង ដែលបានកាន់ជាង ២២ ឆ្នាំក្នុងអំណាចនោះ។
លោក ចាម៉េស៍ បានចាញ់ក្នុងការបោះឆ្នោតកាលពីខែធ្នូ ដោយលទ្ធបានទៅលើលោក អាដាម៉ា បារ៉ូវ (Adama Barrow) ប៉ុន្តែភ្លាមៗលោក Jammeh បានប្រកែកមិនទទួលយកលទ្ធផលនោះ។
ក្នុងបទសម្ភាសមួយជាមួយទូរទស្សន៍ BBC លោក Barrow និយាយថា លោកចង់បង្កើតគណៈកម្មាធិការ និងការផ្សះផ្សាជាតិមួយ ដើម្បីស៊ើប អង្កេតពីការចោទប្រកាន់អំពីការរំលោភបំពានសិទ្ធិមនុស្សអំឡុងពេលដែលលោក ចាម៉េស៍ កាន់អំណាច។
លោក Marcel de Souza ប្រធានសហគមន៍សេដ្ឋកិច្ចនៃរដ្ឋអាហ្វ្រិកខាងលិច (ECOWAS) បាននិយាយថា ប្រតិបត្តិការយោធានេះ បានបញ្ជូនកង ទ័ពអាហ្វ្រិកខាងលិចចូលទៅក្នុងប្រទេស ហ្គាំប៊ី ដើម្បីគាំទ្រលោក Barrow។
តាមសេចក្តីរាយការណ៍ពីព្រលានយន្តហោះបានឱ្យដឹងថា ដំណើរចាកចេញរបស់លោក Yahya Jammeh ក៏មានរៀបចំក្បួនរថយន្តធំ ហើយអ្នក គាំទ្រយ៉ាងច្រើនកុះករក៏មកអបដំណើរលាលោកផងដែរ។
លោក Jammeh បានឈរនៅលើវេទិកាតូចមួយ ហើយស្ដាប់តន្ត្រីដែលប្រគំដោយក្រុមតន្ត្រីយោធា។ ជាងនេះទៀត ពិធីជូនដំណើរលោក Jammeh ក៏មានក្រាលកំរាលព្រំក្រហមវែង សម្រាប់ឱ្យលោកដើរឡើងលើកយន្តហោះសាកសមនឹងឋានៈជាមេដឹកផងដែរ។
លោក Jammeh បានឈានជើងឡើងកាំជណ្តើរយន្តហោះ ហើយងាកក្រោយថើបនិងគ្រវីគម្ពីរកូរ៉ានផងដែរ៕ប្រភព ៖ BBC
