ភ្នំពេញ ៖ យោងតាមរបាយការណ៍គ្រោះថ្នាក់ចរាចរណ៍ផ្លូវគោក រយៈពេល ១៤ថ្ងៃ គិតចាប់ថ្ងៃទី១ ដល់ថ្ងៃទី២១ ខែមករា ឆ្នាំ២០១៧ បានឱ្យដឹងថា ករណីគ្រោះថ្នាក់ចរាចរណ៍បានកើតឡើងចំនួន ២៤២លើក បណ្តាលឲ្យមនុស្សស្លាប់ ចំនួន ១១៨នាក់ រងរបួសសរុប ចំនួន ៣៥៦នាក់ ក្នុងនោះរបួសធ្ងន់ ២៣១នាក់ និងរងរបួសស្រាល ចំនួន ១២៥នាក់ ។
ព័ត៌មានពីនាយកដ្ឋានសណ្តាប់ធ្នាប់ នៃអគ្គស្នងការដ្ឋាននគរបាលជាតិបញ្ជាក់ឲ្យដឹងថា កាលពីថ្ងៃទី២១ ខែមករា ឆ្នាំ២០១៧ លទ្ធិផលត្រួតពិនិត្យអនុវត្តច្បាប់ចរាចរណ៍ផ្លូវគោកឃើញថា យានយន្តដែលល្មើសសរុប ទូទាំងប្រទេសមាន ចំនួន ២៣៦៦គ្រឿង ក្នុងនោះបានធ្វើការអប់រំចំនួន ០៦០៤ គ្រឿង និងពិន័យសរុប ចំនួន ១៧៦២ គ្រឿង ។
ចំណែកគ្រោះថ្នាក់ចរាចរណ៍នៅទូទាំងប្រទេសនៅថ្ងៃទី២១ ខែមករា ឆ្នាំ២០១៧ម្សិលមិញ មានករណីគ្រោះថ្នាក់កើតឡើង ចំនួន ៥លើក ( យប់ ៥លើក ) បណ្តាលឲ្យមនុស្សស្លាប់ ២នាក់ ( ប្រុស ) រងរបួសធ្ងន់ ៣នាក់ ( ប្រុស ) និងរងរបួសស្រាល ៥នាក់(ប្រុស) ។ ក្នុងនោះអ្នកមិនពាក់មួកសុវត្ថិភាព ពេលគ្រោះថ្នាក់ចរាចរណ៍ ១៤នាក់ ( យប់ ៤នាក់ ) ៕
