លោក ដូណាល់ត្រាំ បានសន្យាថា នឹងធ្វើអោយអាមេរិក មានឯកភាពជាតិតែមួយ ឋានៈលោកជាប្រធានាធិបតីថ្មីរបស់សហរដ្ឋអាមេរិក។តាមបណ្ដាញផ្សាយព័ត៌មាន BBC ការសន្យារបស់លោក ដូណាល់ត្រាំ បានធ្វើឡើងនៅឯពិធីមួយ មុនលោកចូលសេតវិមាននៅថ្ងៃនេះ។

ថ្លែងក្នុងឱកាសនោះទៀត មហាសេដ្ឋីអចលនទ្រព្យដូចនេះ ដែលនាំទាំងកូន និងប្រពន្ធឡើងវេទិកា បានបន្ដទៀតថា លោកចង់ឃើញអាមេរិកខ្លាំងក្លាម្ដងទៀត និងមានការឯកភាពជាតិក្នុងឋានៈលោក ជាប្រធានាធិបតី។

លោក ដូ ណាល់ត្រាំ ត្រូវចូលទៅកាន់សេតវិមាននៅថ្ងៃនេះ បន្ទាប់ពីលោកបានឈ្នះឆ្នោតក្នុងការប្រកួតតំណែងប្រធានាធិបតីឈ្នះលើលោកស្រី គ្លីន តុន អតីតរដ្ឋមន្រ្ដីការបរទេសរបស់លោកអូបាមា ។

ជាមួយគ្នានេះ លោក អូបាមា ដែលបានកាន់តំណែងសេតវិមាន​៨ឆ្នាំមកនេះ  បានសម្ដែងការរីករាយ ផ្ទេរតំណែងប្រធានាធិបតីទៅអោយលោក ដូ ណាល់ត្រាំ ។ ប៉ុន្ដែ ប្រធានាធិបតីស្បែកខ្មៅរូបនេះ បានប្រាប់លោកដូណាល់ត្រាំ​ផ្ទាល់ថា ធ្វើជាមេដឹកនាំអាមេរិកត្រូវតែគិតអោយបានច្រើនអំពីការឯកភាពជាតិ ហើយមិនត្រូវគិតរឿងមុខជំនួយ ឬរឿងគ្រួសារនោះទេ៕