ភ្នំពេញ៖ ក្រសួងអប់រំ យុវជននិងកីឡា បានប្រកាសជ្រើសរើសនិស្សិតស្មគ្រ័ចិត្តចំនួន៣០០នាក់ដើម្បីជួយបង្រៀនបំប៉នចំណេះដឹងផ្នែក គណិតវិទ្យា គីមីវិទ្យានិងរូបវិទ្យានៅតាមអនុវិទ្យាល័យនិងវិទ្យាល័យនានា។
គោលបំណងគឺដើម្បីរួមចំណែកក្នុងការកែទម្រង់វិស័យអប់រំនៅកម្ពុជា ជួយពង្រឹងគុណភាពនិងប្រសិទ្ធិភាពអប់រំ កសាងសមត្ថភាពនិងអភិវឌ្ឍន៍ធនធានមនុស្ស។ នៅក្នុងសេចក្តីជូនដំណឹងកាលពីថ្ងៃព្រហស្បត្តិ៍ទី១៩មករា លោករដ្ឋមន្ត្រីក្រសួងអប់រំ ហង់ ជួន ណារ៉ុន បានបញ្ជាក់ថានិស្សិតស្មគ្រ័ចិត្តដែលចាប់អារម្មណ៍ដាក់ពាក្យធ្វើជាគ្រូបង្រៀនស្មគ្រ័ចិត្ត ត្រូវតែជានិស្សិដែលកំពុងតែរៀនក្នុងមហាវិទ្យាល័យគណិតវិទ្យា គីមីវិទ្យានិងរូបវិទ្យា៕
