ភ្នំពេញ៖ អស់រយៈពេល ប្រមាណ៨ខែហើយដែលមន្ត្រីសិទ្ធិមនុស្សអាដហុក និង មន្ត្រីគ.ជ.ប ជាប់ឃុំលើសំណុំរឿងសមគំនិតសូកប៉ាន់សាក្សី និងសូកប៉ានសាក្សី ដែលជាប់ពាក់ព័ន្ធជាមួយនាង ខុម ចាន់តារ៉ាទី នៅបន្តឃុំខ្លួននៅឡើយ។
ក្រុមគ្រួសារមន្ត្រីអាដហុក នៅតែរស់នៅក្នុងភាពសោកសៅ ជាពិសេស កាន់តែពិបាក និងមានសម្ពាធផ្លូចចិត្ត។ គ្រួសារដែលធ្លាប់តែមានសុភមង្គល បែរជារស់នៅក្នុង សភាពស្ងៀមស្ងាត់ កូនរង់ចាំឪពុកម្តាយឲ្យវិលត្រលប់មកជួបជុំកូនចៅវិញ។
ក្នុងនោះ កញ្ញា អ៊ុន ប៊ុណ្ណារី កូនស្រី លោកស្រី លឹម មុន្នី កំពុងស្រែករកយុត្តិធម៌ សម្រាប់ឱ្យម្ដាយវិលមក ផ្ទះវិញ។ នាង បានប្រាប់ថា រង់ចាំម្ដាយត្រឡប់មកវិញយ៉ាងឈឺចាប់បំផុត ដើម្បីមកជួយថៃរក្សាកូនៗឡើងវិញ។ ចំណែក យុវជន នី ចាន់សេដ្ឋា ជាកូនប្រុសទី២លោក នីសុខា ក៏បានរង់ចាំការវិលមកវិញរបស់ឪពុកដោយក្ដៅឈឺចាប់ដែរ។ កញ្ញា ច្រឹក ស្រីអូន មានសេចក្ដីរាយការណ៍ដូចតទៅ៖
