ភ្នំពេញ៖ សម្តេច ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជាបានស្នើប្រទេសស៊ុយអ៊ែត ជួយឱ្យគាំទ្របេក្ខភាពកម្ពុជាជាសមាជិកមិនអចិន្រៃ្តយ៍ នៃក្រុមប្រឹក្សាសន្តិសុខអង្គការសហប្រជាជាតិ ដែលកម្ពុជាធ្លាប់បរាជ័យម្ដងរួចហើយ។
ជាមួយគ្នានេះ សម្តេច ក៏បានស្នើអោយលោកនាយរដ្ឋមន្ត្រីស៊ុយអ៊ែត បើកស្ថានអគ្គរដ្ឋទូតរបស់ខ្លួននៅប្រទេសកម្ពុជាដើម្បីពង្រឹងពាណិជ្ជកម្ម និងសេដ្ឋកិច្ចនៃប្រទេសទាំងពីរឲ្យកាន់តែមានទំហំធំឡើង។
សម្តេច ក៏បានស្នើភាគីស៊ុយអ៊ែត ពិនិត្យលទ្ធភាពក្នុងការនាំចូលអង្ករពីកម្ពុជា រួមទាំងការលើកទឹកចិត្តដល់អ្នកវិនិយោគស៊ុយអ៊ែត ទៅបណ្តាក់ទុនវិនិយោគក្នុងប្រទេសកម្ពុជាផងដែរ ស៊ុយអ៊ែត ជាប្រទេសមួយ នៃសមាជិកសហភាពអឺរ៉ុប ដែលតែងតែរិះគន់ ការរំលោភសិទ្ធិមនុស្ស នៅកម្ពុជា៕
