ភ្នំពេញ៖ រដ្ឋមន្ត្រីក្រសួងមហាផ្ទៃ សម្តេច ស ខេង បានចេញសេចក្តីបំភ្លឺ ឆ្លើយតបទៅនឹងគេហៈទំព័រសារព័ត៌មានក្នុងស្រុកមួយ ដែលបានដកស្រង់សំដីសកម្មជនដីធ្លីនៅពេលតវ៉ាមួយ ដែលបានទាមទារឲ្យរដ្ឋមន្ត្រីក្រសួងមហាផ្ទៃដោះលែងអ្នកការពារសិទ្ធិមនុស្ស និងអគ្គលេខាធិការរងគ.ជ.ប តាមការសន្យា។
សេចក្តីបំភ្លឺរបស់សម្តេច ស ខេង៖«បើតាមខ្ញុំដឹង ពុំមែនមានន័យថាជាការសន្យាទេ ម្យ៉ាងវិញទៀតនីតិវិធីតុលាការពុំទាន់ចប់ ដូចនេះពុំដឹងថា អ្នកទាំងអស់នោះមានទោស ឬអត់»។
ទោះបីជាយ៉ាងនេះក្តី គេសង្កេតឃើញថា លោក កឹម សុខា ប្រធានស្តីទីគណបក្សសង្គ្រោះជាតិ និង លោកមេឃុំ ស៊ាង ចេត មកពីគណបក្សប្រឆាំងគឺជាករណីដូចគ្នា ទៅនិងករណីអ្នកការពារសិទ្ធិមនុស្សដែរ ហើយពួកគាត់ត្រូវបានដោះលែងតាមសំណើររបស់នាយករដ្ឋមន្ត្រី ថ្វាយលិខិតព្រះមហាក្សត្រ សុំលើកលែងទោស កាលពីថ្ងៃទី៨ធ្នូឆ្នាំ២០១៦៕
