លោក អូបាម៉ា ប្រធានាធិតីអាមេរិកដែលនឹងចាកចេញពីតំណែងនៅថ្ងៃទី ២០ មករា ខាងមុខនេះ បានប្រកាសផ្ដល់ប្រាក់ជំនួយ ៥០០លានដុល្លាទៅឲ្យអង្គការសហប្រជាជាតិដើម្បីជួយទប់ស្កាត់ការឡើងកម្ដៅផែនដី ដែលជំនួយនេះមានរយៈពេល៥ឆ្នាំ។
តាមបណ្ដាញផ្សាយព័ត៌មាន BBC ប្រាក់ជំនួយនេះគឺជាផ្នែកមួយនៃកញ្ចប់ថវិការរបស់អាមេរិក ក្នុងការជួយអង្គការសហប្រជាជាតិ ដើម្បីទប់ស្កាត់ការប្រែប្រួលអាកាសធាតុ។ បើតាមគម្រោងអាមេរិកត្រូវផ្ដល់ជំនួយក្នុងរឿងនេះគឺចាប់តាំង ពីឆ្នាំ២០១៤មកនូវទឹកប្រាក់ ៣ពាន់ លានដុល្លាអាមេរិក។
ការប្រកាស់ផ្ដល់ជំនួយរបស់លោក អូបាម៉ា មុនតែប៉ុន្មានថ្ងៃប៉ុណ្ណោះដែលលោក ដូណាល់ត្រាំ ចូលកាន់តំណែងជំនួសលោក ត្រូវបានអ្នកសង្កេតការណ៍មើលឃើញថា ជារឿងចម្លែកបន្ដិចរបស់អាមេរិកព្រោះគេដឹងថា លោក ដូណាល់ត្រាំ គម្រាមបញ្ឈប់ការផ្ដល់ជំនួយអង្គការសហប្រជាជាតិលើការទប់ស្កាត់ការប្រែប្រួលអាកាសធាតុនេះ ដែលលោក ត្រាំ ថាជារឿងឥតប្រយោជន៍៕ ប្រភព៖ BBC
