Gambia៖ សភាប្រទេស Gambia បានអនុម័តពន្យាការគ្រប់គ្រងអំណាចរបស់ជនផ្ដាច់ការ Yahya Jammeh រយៈពេលបីខែទៀត ដោយអះអាងថា ត្រូវរង់ចាំសេចក្ដីសម្រេចរបស់តុលាការកំពូលរឿងបណ្ដឹងការបោះឆ្នោត។
សមាជិកសភាបានប្រកាសថា លោក Yahya Jammeh អាចបន្ដកាន់អំណាចចាប់ពីថ្ងៃនេះតទៅរយៈពេល ៩០ថ្ងៃទៀត ហើយប្រជាជនត្រូវការ ការសម្រេចរបស់តុលាការកំពូលផងដែររឿងលោក Jammeh ប្ដឹងទុកលទ្ធផលបោះឆ្នោតជាមោឃៈព្រោះលោក ចោទថា មានការបន្លំសន្លឹកឆ្នោត។ ស្របពេលជាមួយគ្នានេះជនផ្ដាច់ការកាន់អំណាច ២២ឆ្នាំនៅប្រទេសតូចមួយរបស់អាហ្វ្រិកនេះបានដាក់ប្រទេសក្នុងគ្រាមានអាសន្នរួចទៅហើយ ៕ ប្រភព:BBC
