ភ្នំពេញ៖ ចាប់តាំងពីជម្លោះដីធ្លីនៅតំបន់បឹងកក់កើតឡើងក្នុងអំឡុងឆ្នាំ២០១១មក ប្រជាពលរដ្ឋដែលរស់នៅតំបន់នោះបាននាំគ្នាចេញមកតវ៉ា យ៉ាងសកម្មតែគេពុំសូវឃើញមនុស្សប្រុសចេញមុខខ្លាំងក្លានោះទេ។
ក្រុមស្ត្រីដែលឈានមុខក្នុងការតវ៉ា មានអ្នកស្រី ទេព វន្នី ដែលកំពុងជាប់ឃុំខ្លួន លោកយាយ ង៉ែត ឃុន(ហៅម៉ាមី) អ្នកស្រី ប៉ូវ សោភា។ ចំណែកស្ត្រីម្នាក់ ដែលមិនទាន់យកប្ដីគឺ កញ្ញាសុង ស្រីលាភ បានប្ដេជ្ញាថាទោះជាមានបុរសមកចែចង់នាងតាមរយៈម្ដាយឪពុកឬ មកផ្ទាល់ក៏ដោយ តែនាង មិនចាប់អារម្មណ៍នោះទេនៅពេលនេះ។ កញ្ញាថា បើពលរដ្ឋសហគមន៍បឹងកក់ នៅតែទទួលរងអំពើអយុត្តិធម៌។
កញ្ញា សុង ស្រីលាភ ធ្លាប់ត្រូវបានសមត្ថកិច្ចចាប់យកទៅឃុំនៅពន្ធនាគារចំនួន២ដងមកហើយ។ អ្នករាយការណ៍ព័ត៌មានវិទ្យុស្ត្រី បានចុះទៅជួបនាង ខណៈរៀបចំដឹកនាំក្រុមធ្វើការតវ៉ា ថ្ងៃចន្ទព័ណខ្មៅ។ សូមស្ដាប់បទយកការណ៍ របស់កញ្ញា ច្រឹក ស្រីអូន ដូចតទៅ៖
