សៀងហៃ ៖ ប្រទេសចិន និង វៀតណាម បានសន្យាគ្នាកាលពីថ្ងៃសៅរ៍ ទី១៤ មករា ដើម្បីគ្រប់គ្រងផ្នែកខុសគ្នារបស់ពួកគេ និងការពារសន្តិ ភាពនៅសមុទ្រចិនខាងត្បូង។ ការឱ្យដឹងដូចនេះ ធ្វើឡើងក្នុងសេចក្តីថ្លែងការណ៍រួមមួយ ដែលបានចេញផ្សាយក្នុងអំឡុងពេលដំណើរទស្សន កិច្ចមួយរបស់ប្រធានគណបក្សកុម្មុយនិស្តវៀតណាមលោក ងៀង ភូជុង(Nguyen Phu Trong) ទៅកាន់ប្រទេសចិន។
ក្នុងសេចក្តីថ្លែងការណ៍ជាសាធារណៈនេះបញ្ជាក់ថា ថ្នាក់ដឹកនាំចិន និងវៀតណាម តែងតែជួបគ្នាជាទៀងទាត់ ដើម្បីពិភាក្សាជុំវិញផលប្រយោជន៍រួមរបស់ពួកគេជាលក្ខណមិត្តភក្តិតាមបែបប្រពៃណី និងជាប្រទេសជិតខាងល្អ។ យ៉ាងណាពាក្យបណ្តឹងបញ្ហាប៉ះទង្គិចនៃអធិបតេយ្យភាពនៅសមុទ្រចិនខាងត្បូងបានក្លាយទៅជាប្រភពសំខាន់មួយនៃភាពតានតឹងនៅក្នុងប៉ុន្មានឆ្នាំចុងក្រោយនេះ។
ក្នុងសេចក្តីថ្លែងការណ៍រួមគ្នាកាលពីថ្ងៃសៅរ៍ ភាគីទាំងពីរបានព្រមព្រៀងគ្នាក្នុងការបន្តកិច្ចខិតខំប្រឹងប្រែង យ៉ាងពេញលេញ និងមានប្រសិទ្ធិភាព ដើម្បីអនុវត្តសេចក្តីប្រកាសស្តីពីការប្រព្រឹត្តិ (DOC) របស់ភាគីនានានៅក្នុងសមុទ្រចិនខាងត្បូង និងព្យាយាមបញ្ចប់ឱ្យបានឆាប់រហ័សនៃក្រមប្រតិបត្តិ (COC) នៅលើមូលដ្ឋាននៃការមូលមតិគ្នាក្នុងក្របខណ្ឌនៃ DOC នេះ។
កាលពីខែកញ្ញា ប្រធានាធិបតីចិនលោក ស៊ី ជីនពីង បានប្រាប់នាយករដ្ឋមន្ត្រីវៀតណាម ដោយបានអំពាវនាវឱ្យមានការដោះស្រាយជម្លោះនៅក្នុងសមុទ្រចិនខាងត្បូងតាមរយៈការចរចា។
ប្រទេសចិនបានអះអាងថា ស្ទើរតែទាំងអស់នៃសមុទ្រចិនខាងត្បូងដែលជាកន្លែងអាចរកប្រាក់ចំនូល ប្រហែល ៥ ពាន់ពាន់លានដុល្លារ ពីការធ្វើពាណិជ្ជកម្មដែលឆ្លងកាត់ដែនសមុទ្រនេះរាល់ឆ្នាំ។ ប្រទេសប្រ៊ុយណេ ម៉ាឡេស៊ី ហ្វីលីពីន និងតៃវ៉ាន់ និងវៀតណាម ផងដែរ បានដាក់ពាក្យបណ្តឹងទាមទារដែនសមុទ្រនេះ ដោយជឿថាដែនសមុទ្រ មានមានប្រេងកាតនិងឧស្ម័នធម្មជាតិ៕ប្រភព៖CNA
