ហ្វីលីពីន៖ នាយករដ្ឋមន្ដ្រីជប៉ុន Shinzo Abe ដែលធ្វើទស្សនកិច្ចជាលើកដំបូងនៅប្រទេសហ្វីលីពីន បានប្រកាសគាំទ្រសង្គ្រាមប្រឆាំងគ្រឿងញៀនរបស់លោកប្រធានាធិបតី Rodrigo Duterte ដោយចាត់ទុកថា យុទ្ធនាការនេះដើម្បីធ្វើអោយហ្វីលីពីនមានស្ថេរភាព សន្ដិសុខសង្គម។
លោក Shinzo Abe បានទៅដល់ទីក្រុងម៉ានីលកាលពីថ្ងៃព្រហស្បតិ៍ ទី១២មករា ក្នុងគោលបំណងចូលរួមប្រជុំនៃវេទិកាសេដ្ឋកិច្ចពិភពលោក។ ខណៈលោក Shinzo Abe ជាន់ទឹកដីហ្វីលីពីន គឺ ប្រធានាធិបតីចិន ស៊ីជីភីង ក៏មានវត្តមាននៅទីនោះដែរ ។ លោក ស៊ីជីភីង មិនបានចេញមុខគាំទ្រសង្គ្រាមប្រឆាំងគ្រឿញៀនចំៗដូច Shinzo Abe នោះទេ តែលោក ស៊ី គ្រាន់តែនិយាយថា សង្គ្រាមនេះមិនប៉ះពាល់សន្ដិសុខតំបន់ឡើយ។
ហេតុអ្វីបានជាមហាមិត្តរបស់អាមេរិក គឺ ក្រុងតូក្យូ គាំទ្រសង្គ្រាមប្រឆាំងគ្រឿញៀននៅហ្វីលីពីន?
អ្នកសង្កេតការណ៍មើលឃើញថា ក្រុងតូក្យូស្ថិតនៅក្នុងស្ថានភាពទ័លច្រកព្រោះមិនចង់ធ្វើអោយសម្ព័ន្ធមិត្តអាស៊ីមួយនេះ ឃ្លាតឆ្ងាយពីខ្លួននោះឡើយ។
ក្រុងតូក្យូ ក៏ចង់ប្រើប្រាស់ប្រទេសហ្វីលីពីន ជាផ្នែកមួយនៃការប្រើឥទ្ធិពលរបស់ខ្លួនដើម្បីធ្វើអោយមានតុល្យភាពជាមួយទីក្រុងប៉េកាំងផងដែរ។ ប៉ុន្ដែដោយសារតែក្រុងម៉ានីលសម្លាប់ មនុស្សដែលគេសង្ស័យថា ពួករត់ពន្ធគ្រឿងញៀនដល់ទៅ ៦ពាន់នាក់នោះ នាំអោយអាមេរិកថ្កោលទោសយ៉ាងខ្លាំងហើយសម្រេចព្យួរជំនួយសម្រាប់ប្រទេសហ្វីលីពីនទៀតផង៕ប្រភព CNA
