ប្រធានអង្គការ Nato លោក Jens Stoltenberg បាននិយាយថា ប្រទេសណាក៏ដោយប៉ុនប៉ងជ្រៀតជ្រែកចូលកិច្ចការបោះឆ្នោតប្រទេសដទៃ គឺ មិនត្រូវអត់ឱនបានឡើយ។
ប្រធានអង្គការ Nato បានព្រមានដូចនេះ ស្របពេលដែលសហរដ្ឋអាមេរិក រកឃើញ ចារកម្មរបស់រុស្ស៊ី បានលួចចូលអ៊ីមែលរបស់លោកស្រី Halliry Clinton អំឡុងអាមេរិកឃោសនា រកសម្លេងឆ្នោត ដែលករណីនេះនាំអោយលោកស្រី ចាញ់ឆ្នោតលោកដូណាល់ត្រាំ។
ប្រធានអង្គការ Nato បានថ្កោលទោសប្រទេសរុស្ស៊ី ដោយបានព្រមានថា គឺ មិនត្រូវអត់ឱនអោយមានការប្រព្រឹត្តបែបនេះទេ។
យ៉ាងណាក៏ដោយប្រធានាធិបតីរុស្ស៊ី បានច្រានចោលការចោទប្រកាន់ទាំងឡាយណាថា រុស្ស៊ី បានធ្វើអន្ដរាគមន៍បែបនេះ។ ចំណែកឯ លោក ដូណាល់ត្រាំ ដែលបានឈ្នះឆ្នោតតំណែងប្រធានាធិបតី ក៏បានសម្ដែងការខកចិត្តចំពោះប្រទេសរុស្ស៊ីផងដែរ។ ប៉ុន្ដែលោកថា មិនធ្វើឲ្យប៉ះពាល់ចំណងទំនាក់ទំនងអាមេរិក និងរុស្ស៊ីនោះទេ។
លោក ដូណាល់ត្រាំ នឹងចូលកាន់តំណែងប្រធានាធិបតីអាមេរិកលើកទី ៤៥ នៅថ្ងៃទី ២០ មករា សប្ដាហ៍ក្រោយនេះ៕ប្រភព៖ BBC
