រដ្ឋអាជ្ញានៃកូរ៉េខាងត្បូងនៅថ្ងៃនេះបានចោទប្រកាន់សាច់ញាតិរបស់លោក បានគីមូន អតីតអគ្គលេខា ធិការអង្គការសហប្រជាជាតិនិងជាអតីតរដ្ឋមន្ដ្រីការបរទេសពីបទផ្ដល់ប្រាក់សំណូលទៅឲ្យមន្ដ្រីម្នាក់ប្រយោជន៍ ដើម្បីខ្លួនបានសិទ្ធិគ្រប់គ្រងគម្រោងសំណង់មួយកន្លែង។
តាមបណ្ដាញផ្សាយព័ត៌មាន BBC ប្អូនប្រុសពៅរបស់លោក បានគីមូន និងក្មួយបង្កើតរបស់លោកត្រូវបានរដ្ឋអាជ្ញាចោទប្រកាន់ជាផ្លូវការហើយពីបទផ្ដល់ប្រាក់សំណូកទៅមន្ដ្រីសមត្ថកិច្ចក្នុងគម្រោងដេញថ្លៃលើសំណង់អាគារ។
រយៈពេលចុងក្រោយនេះរដ្ឋអាជ្ញារបស់ប្រទេសជឿនលឿនមួយនេះបានចាប់ផ្ដើមបំពេញការងាររបស់ខ្លួនដែលធ្វើឲ្យមានការភ្ញាក់ផ្អើលយ៉ាងខ្លាំងដោយសារតែបានចាត់វិធានការលើកូនមន្ដ្រីជាច្រើននាក់រប ស់រដ្ឋាភិបាលប្រធានាធិបតី បាកគុនហេ។ កូនមន្ដ្រីទាំងនោះដែលរងការចោទប្រកាន់មានចំនួនយ៉ាងតិ ច ៤រូប ក្នុងនោះក៏មានមិត្ដភក្ដរបស់លោកស្រី ប៉ាកគុនហេ ផងដែរ។
ពួកគេសុទ្ធតែត្រូវចោទពីបទប្រើប្រាស់អំណាចខុសច្បាប់ក្នុងការស្វែងរកលាភសក្ការ។ តែពិសេសទៀតនោះលោកស្រីប្រធានាធិបតី ប៉ាកគុនហេ ក៏ស្ថិតក្រោមការចោទប្រកាន់ផងដែរក្នុងសំណុំរឿងដូចគ្នានេះ។ ករណីនេះនាំឲ្យសភាបានបោះឆ្នោតដកអំណាចរបស់លោកស្រីជាប្រធានាធិបតីហើយប្រគល់ទៅឲ្យនាយករដ្ឋមន្ដ្រី ដែលគេហៅថា តួនាទីពីធីការរបស់ប្រធានាធិបតី៕ ប្រភព:BBC
