ភ្នំពេញ៖អ្នកភូមិបឹងកក់បានអះអាងថា នឹងផ្តើមយុទ្ធនាការថ្ងៃចន្ទពណ៌ឡើងវិញ នៅថ្ងៃទី០៩ ខែមករា ស្អែកនេះ បន្ទាប់ពីពួគាត់បានផ្អាកអស់រយៈពេល ២សប្តាហ៍កន្លងមក។
អ្នកស្ត្រី ប៉ូវ សោភា តំណាងសហគមន៍បឹងកក់ បានប្រាប់វិទ្យុស្ត្រីនៅថ្ងៃទី០៨ ខែមករានេះ ថា អ្នកភូមិបឹងកក់ប្រមាណ៥០នាក់ នឹងផ្តើមធ្វើយុទ្ធនាការថ្ងៃចន្ទពណ៌ខ្មៅ “Black Monday” នៅក្នុងសហគមន៍បឹងកក់វេលាម៉ោង ៨ព្រឹក បន្ទាប់មកអ្នកភូមិនឹងដង្ហែញត្តិទៅដាក់នៅស្ថានទូតបរទេសមួយចំនួនប្រចាំនៅកម្ពុ ជា និងក្រសួងមហាផ្ទៃ ដើម្បីជម្រុញឲ្យមានការដោះលែងអ្នកស្ត្រី ទេព វន្នី ដែលជាតំណាងសហគមន៍បឹងកក់ មន្ត្រីការពារសិទ្ធិមនុស្សអាដហុក និងមន្ត្រី គ.ជ.ប រួមទាំងស្វែងរកយុត្តិធម៌ឲ្យលោកបណ្ឌិត កែម ឡី ដែលត្រូវបានឃាតករបាញ់សម្លាប់កាលពីថ្ងៃទី១០ ខែកក្កដា ឆ្នាំ ២០១៦។
អ្នកភូមិបឹងកក់ប្រកាសធ្វើយុទ្ធនាការថ្ងៃចន្ទពណ៌ខ្មៅ “Black Monday” ឡើងវិញនេះ គឺបន្ទាប់ពីពួកគាត់សង្កេតឃើញថា ការជួបចរចាគ្នារវាងគណបក្សនយោបាយដែលមានអាសនៈក្នុងរដ្ឋសភាទាំងពីរ នៅតែស្ថិតក្នុងភាពមិនច្បាស់លាស់។ ទោះបីយ៉ាងណាក៏ដោយសម្ដេច ស ខេង រដ្ឋមន្ដ្រីក្រសួមមហាផ្ទៃកា លពីថ្ងៃទី០៥ មករា បានឆ្លើយតបនិងលិខិតរបស់លោក កឹម សុខា ថា គណបក្សទាំងពីរអាចនឹងជួបចរ ចាគ្នាក្រោយថ្ងៃទី១១ មករា ហើយកាលបរិច្ឆេទជាក់លាក់ខុទ្ទកាល័យរបស់សម្ដេចនឹងជួនដំណឺងនៅ
ពេលក្រោយ។
សូមជម្រាបថា អ្នកស្រី ទេព វន្នី កាលពីពេលកន្លងទៅនេះ ត្រូវបានតុលាការក្រុងភ្នំពេញ សម្រេចផ្ដន្ទា ទោសដាក់ពន្ធនាគាររយៈពេល ៦ខែ និង ៦ថ្ងៃក្នុងរឿងក្ដីពីរដាច់ដោយឡែកពីគ្នា។ បទចោទទាំងនោះរួមមាន បទជេរប្រមាថ និងប្រឆាំងអ្នករាជការសាធារណៈ និងរឿងក្ដីមួយទៀត គឺការធ្វើយុទ្ធនាការថ្ងៃច័ន្ទពណ៌ខ្មៅ ដែលទាមទារឲ្យដោះលែងមន្ដ្រីការពារសិទ្ធិមនុស្សអាដហុកចំនួន ៤រូប និងអគ្គលេខាធិ ការរង គ.ជ.ប ១រូប។ មន្ដ្រីការពារសិទ្ធិមនុស្សអាដហុក ៤រូប និងមន្ដ្រី គ.ជ.ប ១រូបដែលត្រូវបានចាប់ខ្លួនដាក់ពន្ធនាគារតាំងពីខែមេសា ឆ្នាំ ២០១៦ ក្រោមបទចោទសូកប៉ាន់សាក្សី និង សមគំនិតសូកប៉ាន់សា ក្សី ក្នុងសំណុំរឿងអ្នកនាង ខុម ចាន់តារ៉ាទី ហៅស្រីមុំ ដែលត្រូវបានគេសង្ស័យថា អ្នកនាងមានស្នេហាលួចលាក់ជាមួយលោក កឹម សុខា ប្រធានស្ដីទីគណបក្សសង្គ្រោះជាតិ។ មន្ដ្រីការពារសិទ្ធិមនុស្សអាដហុកទាំង ៤ រូបនោះរួមមានលោក នី សុខា លោក ណៃ វង់ដា លោក យី សុខសាន នឹងលោកស្រី លឹម មុនី្ន ចំណែកអគ្គលេខាធិការរងនៃគណៈកម្មាធិការជាតិរៀបចំការបោះឆ្នោតគឺលោក នី ចរិយា៕
