តុលាការរដ្ឋធម្មនុញ្ញនៅប្រទេសកូរ៉េខាងត្បូងនៅថ្ងៃព្រហស្បតិ៍ ទី០៥មករានេះ ចាប់ផ្ដើមបើកសវនការជំនុំជម្រះក្ដីលើសំណុំរឿងលោកស្រី ប៉ាកគុនហេ ប្រធានាធិបតីរបស់ប្រទេសនេះ ត្រូវបានចោទពីបទពុករលួយ ។
ការជំនុំជម្រះក្ដីធ្វើឡើងដោយតុលាការរដ្ឋធម្មនុញ្ញនៅថ្ងៃនេះ ពុំមានវត្តមានលោកស្រី ប៉ាកគុនហេនោះទេ ។
ទីភ្នាក់ងារសារព័ត៌មានកូរ៉េខាងត្បូងយុនហាប់ ដែលស្រង់សម្ដីរបស់មេធាវីបានរាយការណ៍ ថា លោកស្រី ប៉ាកគុនហេ មិនត្រូវបានកោះហៅឱ្យចូលសវនការនោះទេ ខណៈលោកស្រីជាប្រធានាធិបតី។
លោកស្រី ប៉ាក គុនហេ ត្រូវបានចោទប្រកាន់សំណុំរឿងពុករលួយដោយសារតែមិត្តភក្ដិរបស់លោកស្រីម្នាក់ គឺ អ្នកស្រី Choi Soon-sil បានបង្កើតមូលនិធិមនុស្សធម៌ អង្គាសប្រាក់ ដោយប្រើប្រាស់អំណាចរបស់លោកស្រីប៉ាក។ករណីនេះ នាំអោយមនុស្សដោយស្និទនឹងលោកស្រី ប៉ាក គុនហេ ២រូបទៀតចោទប្រកាន់ និងឃុំខ្លួន ។ ប្រសិនបើរកកំហុសឃើញ លោកស្រីប៉ាក នឹងត្រូវបង្ខំអោយលាលែងពីតំណែង ដែលខណៈនេះ អំណាចរដ្ឋទាំងស្រុងត្រូវបានសភាដកហូតពីលោកស្រីអស់ហើយ៕BBC
