យ៉ាងតិចណាស់ អ្នកទោស ១៥០នាក់ បានរត់ពីពន្ធនាគារមួយនៅ ប្រទេសហ្វីលីពីន បន្ទាប់ពីពួកឧទ្ទាមមានគ្នាជាង១០០នាក់បានបើកការ បាញប្រហារលើពន្ធនាគារ បណ្ដាលឱ្យឆ្មាំពន្ធនាគារម្នាក់ស្លាប់ភ្លាមៗ។
តាមទីភ្នាក់ងារសារព័ត៌មានAFP ពន្ធនាគារដែល រងការវាយប្រហារនៅព្រឹកថ្ងៃពុធនេះ គឺ គុកCotabato នៅភាគខាងត្បូងប្រទេសហើយការវាយប្រហារកើតមានរយៈពេល២ម៉ោង។
ឆ្មាំពន្ធនាគារម្នាក់ឈ្មោះ Peter John Bonggat បាននិយាយថា ពួកឧទ្ទាម ដែលធ្វើការវាយប្រហារនេះ គឺសំដៅចូលរំដោះអ្នកទោស នៅទីនោះ ។ លោកបានបញ្ជាក់ថា ការវាយប្រហារនេះ ដឹកនាំដោយក្រុមឧទ្ទាមនៃរណសិរ្យរំដោះជាតិឥស្លាម Moro ។
នេះជាលើកដំបូងហើយ ដែលមានការវាយប្រហារលើពន្ធនាគារ ដើម្បីរំដោះអ្នកទោស ដ៏ច្រើននេះ ក្រោមការដឹកនាំរបស់ ប្រធានាធិបតី Duterte ជាអ្នកបោសសំអាត គ្រឿងញៀន សម្លាប់មនុស្ស យ៉ាងរង្គាល។ AFP
