វ៉ាស៊ិនតោន៖ចាប់ពីទីក្រុងស៊ីដនី ទៅទីក្រុង ម៉ូស្គូ ប៉ារីស ញូវយ៉ក ឡុងដុង ពោលគឺនៅពាស់ ពេញទ្វីបអឺរ៉ុប និងអាមេរិក មានហ្វូងមនុស្ស ប្រមូលផ្ដុំគ្នាយ៉ាងច្រើនខណៈកាំជ្រួច ចម្រុះពណ៌ បានបាញ់ព្រោងព្រាតមានរូបភាព ចម្រុះស្រស់បំព្រមដែលជាសកម្មភាពនៃការលាឆ្នាំ ២០១៦ ចូលឆ្នាំថ្មី២០១៧។
នៅពេលពិភពលោក ប្រារព្ធកម្មពិធីចូលឆ្នាំ សកល គឺនៅប្រទេសទាំងនោះក៏បានរឹតបន្តឹង សន្តិសុខ យ៉ាងខ្លាំងដើម្បីទប់ស្កាត់ការវាយប្រហារណាមួយពីក្រុមភេរវកម្ម។
នៅពេលជាមួយគ្នានៃការអបអរឆ្នាំថ្មីមេដឹកនាំ បណ្ដាប្រទេសមួយចំនួនបាន ផ្ញើសារទៅជនរួមជាតិរបស់ខ្លួនរៀងៗខ្លួន។ តែសម្រាប់លោក ដូណាល់ត្រាំ ប្រធានាធិបតីថ្មីសហរដ្ឋអាមេរិកបានផ្ញើសារចម្លែកមួយទៅកាន់អ្នកនយោបាយប្រកួតប្រជែងរបស់លោកដែលលោកចាត់ទុកជាសត្រូវ។ 
សាររបស់លោក ដូណាល់ត្រាំ អបអរឆ្នាំថ្មីត្រូវបានគេមើលឃើញថា មានលក្ខណៈចំអកនិងវាយប្រហារទៅវិញ។ លោក ដូណាល់ត្រាំ នឹងចូលកាន់តំណែងជាប្រធានាធិបតីអាមេរិកលើកទី៤៥ នៅថ្ងៃទី២០ មករា ៕ ប្រភព:BBC
