ប្រធានាធិបតីចិនលោក ស៊ី ជិនពីង(Xi Jinping) បញ្ជាក់ថា នឹងមិនអនុញ្ញាតឱ្យនរណាម្នាក់ បង្កក្តីកង្វល់ ជុំវិញបញ្ហាដែនអធិបតេយ្យភាពទឹកដីរបស់ខ្លួន និងបញ្ហាសិទ្ធិសមុទ្រនោះទេ។ ការលើកឡើងរបស់លោក ស៊ី ក្នុងឪកាសឆ្នាំថ្មីនេះ គឺនៅខណៈដែលមន្ត្រីជាន់ខ្ពស់របស់ចិន ផ្នែកទទួលបន្ទុកទំនាក់ទំនង តៃវ៉ាន់ បានព្រមានពីហានិភ័យដែលអាចកើតមាននៅពេលខាងមុខក្នុងឆ្នាំ ២០១៧ នេះ។
លោក ស៊ី បន្តថា៖«ប្រជាជនចិន នឹងមិនអនុញ្ញាតឱ្យអ្នកណាម្នាក់ អាចបង្កក្រីកង្វល់យ៉ាងខ្លាំងមកលើចិននោះទេ»។
ប្រទេស ចិន បានអះអាងថា ភាគច្រើននៃសមុទ្រចិនខាងត្បូងគឺជារបស់ខ្លួន តែប្រទេសជិតខាងដូចជាប្រទេសព្រុយណេ ម៉ាឡេស៊ី ហ្វីលីពីន កោះតៃវ៉ាន់ និង វៀតណាម ក៏បានដាក់ពាក្យបណ្តឹងទាមទារដូចគ្នា៕ប្រភព៖CNA
