ភ្នំពេញ៖ លោក កេត ច័ន្ទតូ មន្ដ្រីឯកទេសរបស់អង្គការ Plan កម្ពុជា បានឲ្យដឹងថា មូលហេតុដែលអង្គការនេះផ្ដល់ឱកាសដល់កុមារីឲ្យបានសិក្សា ពីការគូគំនូរព្រោះតែចង់ឲ្យកុមារីមានជំនាញវិជ្ជាជីវៈមួយច្បាស់ លាស់ទុកជាអាជីពប្រសិនបើកុមារីទាំងនោះមិនអាចបន្ដការសិក្សានៅគ្រឹះ ស្ថានសិក្សាបន្ដទៀត។
លោកបានពន្យល់ដូចនេះ ក្នុងបទសម្ភាសន៍មួយជាមួយវិទ្យុស្ដ្រីអេហ្វអឹម១០២ ក្នុងកម្មវិធីប្រកួតគំនូរ និងបាល់ទាល់កុមារី នៅខេត្ដសៀមរាបកាលពីថ្ងៃ ពុធ ទី២៨ ធ្នូ ឆ្នាំ២០១៦នេះ។
លោក កេត ច័ន្ទតូ បញ្ជាក់ ថា អង្គការ Plan កម្ពុជាមិនមែនតែផ្ដល់ឱកាសសម្រាប់តែកុមារីឲ្យបានសិក្សាពីការគូគំនូរនោះទេ សូម្បីតែកុមារាក៏អង្គការនេះផ្ដល់ឱកាសឲ្យបានសិក្សាផងដែរ ក៏ប៉ុន្ដែជាគោលដៅរបស់អង្គការគឺលើកទឹកចិត្ដកុមារីឲ្យហ៊ានបង្ហាញសមត្ថភាពនិងចូលរួមសកម្មភាពក្នុងសង្គម។
ដើម្បីជ្រាបលម្អិតជាបន្ដ សូមនាងកញ្ញា លោក លោកស្រី ស្ដាប់បទសម្ភាសន៍ រវាងកញ្ញា ច្រឹក ស្រីអូន ដែលបានទៅចូលរួម កម្មវិធីរបស់អង្គការ Plan នៅខេត្ដសៀមរាបជាមួយលោក កេត ច័ន្ទតូ មន្ដ្រីឯកទេសរបស់អង្គការ Plan ដូចតទៅ៖
