រ៉ងហ្គួន៖ពួកមន្ដ្រីបង់ក្លាដេសបាននិយាយថា ទូកនេសាទមួយគ្រឿងដែលកំពុងបើក្នុងដែន សមុទ្ររបស់ខ្លួនស្រាប់តែត្រូវបានកងល្បាតសមុទ្រប្រទេសភូមាវាយប្រហារដែលបណ្ដាលឲ្យអ្នកនេសាទ ៤នាក់រងរបួស។
ប្រព័ន្ធផ្សព្វផ្សាយរបស់បង់ក្លាដេសបានរាយការណ៍ថា ទូកនេសាទមួយគ្រឿងនោះមានអ្នកនេសាទ ១៤នាក់ហើយ ៤នាក់ត្រូវបានកងល្បាតសមុទ្រភូមាបាញ់រះបណ្ដាលឲ្យរងរបួស ហើយពួកគេត្រូវបានដឹកទៅព្យាបាលនៅមន្ទីពេទ្យ។
ពួកឆ្មាំសមុទ្របង់ក្លាដេសបាននិយាយប្រាប់ទីភ្នាក់ងារសារព័ត៌មាន AFP ថា ពួកល្បាតភូមាបានបើការវាយប្រហារនេះដោយមិនបានព្រមានជាមុននោះទេ ដែលជាហេតុធ្វើឲ្យមានភាពតានតឹងជាខ្លាំងលើដែនសមុទ្រនៃប្រទេសទាំងពីរ។ ប្រទេសភូមារយៈពេលចុងក្រោយនេះបានរឹតបន្ដឹងការល្បាតសមុទ្ររបស់ខ្លួនយ៉ាងខ្លាំងបន្ទាប់ពីប្រទេសអាស៊ីអាគ្នេយ៍មួយនេះវាយប្រហារទៅលើសហគមន៍រ៉ូហ៊ីងយ៉ាបង់ក្លាដេសបណ្ដាលឲ្យជនអន្ដោប្រវេសន៍ ៣៤០០០នាក់បានសម្រុកទៅប្រទេសបង់ក្លាដេសវិញ។ អាជ្ញាធរភូមាប្រកាសថា គេត្រូវទប់ស្ដាត់សកម្មភាពខុសច្បាប់ណាមួយពីសំណាក់ជនអន្ដោប្រវេសន៍បង់ក្លាដេសមកលើទឹកដីភូមា៕ប្រភព:AFP
