en     km
en     km

ក្រុង​ម៉ានីល​ រង​ការ​វាយប្រហារ​ដោយ​មហា​ព្យុះ​ Nock-Ten

Share

ហ្វី​លី​ពិន​៖ រដ្ឋធានី​ម៉ានីល​នៃ​ប្រទេស​ហ្វី​លី​ពិន​ ដែល​មាន​ប្រជាជន​រស់នៅ​រាប់​លាន​នាក់​ប្រឈម​មុខ​នឹង​ការ​វាយប្រហារ​ដោយ​ព្យុះ​ Nock-Ten​ នៅ​ប៉ុន្មាន​ម៉ោង​ខាង​មុខ​នេះ​។​ ពួក​មន្ដ្រី​ឧតុនិយម​នៃ​ប្រទេស​ហ្វី​លី​ពិន​ដែល​ស្រង់​មក​ចុះ​ផ្សាយ​ដោយ​បណ្ដាញ​ផ្សាយ​ព័ត៌មាន​ BBC​ បាន​និយាយ​ថា​ គេ​បាន​ប្រាប់​ដំណឹង​នេះ​ទៅ​ដល់​ប្រជាជន​រស់នៅ​ក្នុង​ទីក្រុង​អស់ហើយ​ ជា​ពិសេស​ពលរដ្ឋ​ដែល​រស់នៅ​ចំ​មុខ​ព្យុះ​ដែល​ត្រូវ​បក់​បោក​វាយលុក​។​

philippines-32
តាម​ប្រភព​ដដែល​ព្យុះ​នេះ​មាន​ល្បឿន​ ១៤០​គីឡូម៉ែត្រ​ក្នុង​មួយ​ម៉ោង​ដោយ​វា​បក់​បោក​មក​ពី​សមុទ្រ​ភាគ​ខាងត្បូង​ប្រទេស​ហ្វី​លី​ពិន​ ហើយ​នៅ​ទីនោះ​វា​បាន​ធ្វើ​ឲ្យ​ដំណាំ​កសិកម្ម​របស់​ប្រជាជន​រង​ការ​បំផ្លិចបំផ្លាញ​យ៉ាង​ខ្លាំង​។​

​ស្ដ្រី​អ្នកនាំពាក្យ​ Mina​ Marasigan​ នៃ​ក្រុមប្រឹក្សា​ ឃ្លាំមើល​គ្រោះ​មហន្ដរាយ​ បាន​និយាយ​ថា​ គេ​បាន​ត្រៀម​ដើម្បី​ជួយ​ប្រជាជន​រួចរាល់​ហើយ​។​

​ប្រទេស​ហ្វី​លី​ពិន​ជា​ដែន​កោះ​។​ ប្រទេស​នេះ​មាន​កោះ​ចំនួន​ ៧​ពាន់​កោះ​ ដែល​ធ្វើ​ឲ្យ​រង​គ្រោះ​ដោយសារ​ព្យុះ​ខ្លាំងក្លា​ជាងគេ​បង្អស់​ បើ​ធៀប​នឹង​ប្រទេស​មួយ​ចំនួន​ទៀត​នៅ​តំបន់​អាស៊ី​អាគ្នេយ៍​៕ប្រភព BBC

Share

ព័ត៌មានទាក់ទង

Image