ភ្នំពេញ៖ ដូចការគ្រោងទុកនៅព្រឹកថ្ងៃទី ២៦ ខែធ្នូ ឆ្នាំ២០១៦ នេះរដ្ឋសភាបានបើកកិច្ចប្រជុំពេញអង្គដើម្បីពិភាក្សា និងអនុម័តលើសេចក្ដីព្រាងវិសោធនកម្ម ច្បាប់ចរាចរណ៍ផ្លូវគោក ដែលមានសម្ដេច ហេង សំរិន ជាប្រធានរដ្ឋសភា។
កាលពីថ្ងៃទី ០៧ ធ្នូ ក្នុងជំនួបដូចគ្នានេះដែរទាំងសម្ដេច ហ៊ុន សែន សម្ដេច ស ខេង និងលោក កឹម សុខា តំណាងឲ្យសម្លេងភាគតិចជំនួសលោក សម រង្ស៊ី បានជួបគ្នានៅឯមន្ទីរដ្ឋសភា ហើយក្នុងជំនួបនោះបានឈានដល់ការបន្ធូរបន្ថយស្ថានភាពនយោបាយ និងបន្ទាប់មកទៀតមានការដោះលែងមេឃុំគណបក្សប្រឆាំងម្នាក់ដែលជាប់ចោទពីបទសូប៉ាន់សាក្សី ក្នុងសំណុំរឿងអ្នកនាង ខុម ចាន់តារ៉ាទី ហៅស្រីមុំ។
ក្នុងកិច្ចប្រជុំសភាពេញអង្គរដ្ឋសភានៅថ្ងៃនេះក៏មានការរំពឹងទុកថា អ្នកនយោបាយកំពូលៗនឹងបន្ដជួបគ្នាទៀត៕
