ក្រុងព្រះសីហុន ៖ នាយករដ្ឋមន្ត្រីនៃព្រះរាជាណាចក្រកម្ពុជា សម្តេច ហ៊ុន សែន បានបង្ហោះសារនៅលើគេហទំព័រហ្វេសប៊ុករបស់ សម្តេច កាលពីយប់នៅថ្ងៃទី ២៤ ខែធ្នូ ឆ្នាំ២០១៦នេះថា ខេត្តព្រះសីហនុ គឺជាទីក្រុងបៃតង ដែលមានឆ្នេរស្អាត ទឹកសមុទ្រខៀវស្រងាត់ ដែលមាននាមថា តារារះនាភាគនិរតី ហើយបានជាប់ជាសមាជិកក្លឹបឆ្នេរស្អាតពិភពលោកផងដែរ។ ការលើកទ្បើងនេះ ខណៈសម្តេច ហ៊ុន សែន ទៅចូលរួមនៅក្នុងពិធីបុណ្យសមុទ្រលើកទី ៥ នៅខេត្តព្រះសីហនុ។
ទន្ទឹមនឹងនេះដែរ គឺត្រូវកសាងហេដ្ឋារចនាសម្ព័ន្ឋឆ្លងកាត់តំបន់ឆ្នេរអោយបានច្រើនថែមទៀត ដើម្បីសម្រួលដល់ការធ្វើដំណើរទាក់ទាញទេស ចរណ៍។ ទាក់ទងនឹងការលើកទ្បើងនេះ សម្តេច ហ៊ុន សែន សង្ឃឹមថា ឆ្នេរសមុទ្រយើងនឹងបន្តជាប់ឈ្មោះនៅក្នុងក្លឹបអន្តរជាតិជារៀងរហូត។
សម្តេច ហ៊ុន សែន ក៏បានអំពាវនាវឱ្យប្រជាពលរដ្ឋ និងអាជ្ញាធរ ត្រូវចូលរួមថែរក្សាសុវត្ថិភាពទេសចរណ៍ និងទប់ស្កាត់គ្រឿងញៀនអោយបាន។ ទន្ទឹមនឹងនេះ គឺសូមចូលរួមថែរក្សាសន្តិភាពអោយបានគង់វង្សល្អ ដើម្បីប្រទេសជាតិយើងកាន់តែរីកចម្រើន៕
